Sansar News
२४ माघ, काठमाडौं । प्रमुख प्रतिपक्षी नेपाली कांग्रेसले शुक्रबार पनि प्रतिनिधि सभा बैठकमा अवरोध गरेको छ। शुक्रबार दिउँसो बैठक शुरु भएलगत्तै कांग्रेसका सांसदहरुले उठेर अवरोध गरेका हुन् ।
बैठक शुरु गर्नेबित्तिकै बोल्दै नेपाली कांग्रेसका सांसद मिनबहादुर विश्वकर्माले नेकपा नेतृत्वको सरकारले आफ्नालाई जोगाउँदै कांग्रेसका नेताहरुलाई सिद्याउने नीति सरकारले लिएको दाबी गरे। सरकारले अख्तियारलाई प्रयोग गरेर कांग्रेसमाथि प्रहार थालेको भन्दै विश्वकर्माले लालपूर्जा हातमा लिएर हिँड्नेलाई भने उन्मुक्ति दिएको आरोप पनि लगाए।
पटक पटकको आग्रहपछि पनि कांग्रेसले अवरोध गरिनै रहेपछि सभामुख अग्नि सापकेटाले बैठक आधा घण्टाको लागि स्थगित गरेका छन् ।
वि.सं.२०७६ माघ २४ शुक्रवार १४:०४ मा प्रकाशित
