हामी सबैकाे संसारन्यूज

२७ माघ, काठमाडौँ । ललितपुरमा १८६ सामुदायिक विद्यालय छन् । तीमध्ये विद्यार्थी अभावमा आधा दर्जन प्राथमिक तहका विद्यालय अर्कामा गाभिसकिएको छ । सबैभन्दा धेरै विद्यार्थी र उत्कृष्ट नतिजा ल्याउने आदर्श सौल युवक माविले भने आइतबार ५० औं वार्षिकोत्सव मनाएको छ ।

शिक्षा विकास तथा समन्वय इकाइ प्रमुख योगेन्द्र बरालका अनुसार जिल्लामा विद्यालय सङख्या घटेसँगै शिक्षक दरबन्दी मिलान हुँदैछ । ललितपरको प्राथमिक तहका १९७ जनाको दरबन्दी अन्यत्र पठाउने तयारी गरिएको छ ।

८२ वटा सामुदायिक माविमध्ये सबैभन्दा धेरै विद्यार्थी र उत्कृष्ट नतिजा हासिल गर्ने विद्यालय आदर्श सौल नै हो, ‘प्रमुख बरालले भने , ‘जहाँ विद्यार्थी धेरै छन् , त्यहाँ शैक्षिक गुणस्तर छ भन्ने बुझिन्छ । ’ यो विद्यालय ललितपुर महानगरपालिका २२ बुङमतीमा छ । यहाँ पूर्वप्राथमिकदेखि कक्षा ५ सम्म र वडा नम्बर २५ छ्यासिकोटमा माध्यामिक तह पठनपाठन हुन्छ विद्यालयमा कक्षा १२ सम्म ६२ जिल्लका १ हजार ८३५ विद्यार्थी अध्ययनरत छन् । सोमबारको कान्तिपुर दैनिकबाट