Sansar News
२९ माघ, काठमाण्डौं । स्वास्थ्य तथा जनसंख्या मन्त्रालयलले सिन्धुपाल्चोकको जुगल गाउँपालिकाको गुम्बा गाउँमा औषधिसहित स्वास्थ्यकर्मी पठाइएकोे जनाएको छ ।
गाउँपालिकाले कोरोना भाइरसको जस्तै लक्षण भएका बिरामी भेटिएको भन्दै मंगलबार सरकारसँग आवस्यक सहयोग मागिएको अवस्थामा स्वास्थ्यमन्त्रालयले स्वास्थ्यकर्मीको टोली पठाएको बताएको छ ।
मन्त्रालयका प्रवक्ता महेन्द्र प्रसाद श्रेष्ठद्धारा जारी विज्ञप्तिमा उक्त स्थानमा हाल मेडिकल अधिकृतसहित पाँचजनाको टोलीले स्वास्थ्य सेवा दिइरहेको बताइएको छ ।
मन्त्रालयका अनुसार उक्त गुम्बा गाउँमा आज बिहानदेखि १७० जना रुघाखोकीका लक्षण भएका विरामीहरुलाई स्वास्थ्य सेवा दिइनुका साथै प्रयोगशालामा परीक्षणका लागि आवस्यक पर्ने घाँटीको स्रावको नमुना संकलनका लागि बुधबार नै प्रदेश जनस्वास्थ्य प्रयोगशालाबाट एकजना ल्याब टेक्निसियन Viral Transport Medium (VTM) सहित प्रभावित स्थलमा पठाइएको बताइएको छ ।
कोरोना भाइरसको लक्षण देखिएको भन्दै गाउँपालिकाले माग्यो सरकारसँग सहयोग
वि.सं.२०७६ माघ २९ बुधवार १८:५० मा प्रकाशित
