हामी सबैकाे संसारन्यूज

प्रेस युनियनले आज विराटनगरमा आयोजना गरेको पत्रकार सम्मेलनमा कुरा गर्दै मन्त्री गिरीले केही हप्तामै सिँचाइका विशेषज्ञको सम्मिलित टोली गठन गरेर सिँचाइसम्बन्धी नयाँ कार्यक्रम कस्तो ल्याउने भन्ने तय गर्ने बताउनुभयो ।

उहाँले देशका विभिन्न सिँचाइका असुविधा भएका ठाउँमा सिँचाइका कार्यक्रम पु¥याउने सरकारको लक्ष्य भएको बताउनुभयो । मोरङका केही नहर र खोलालाई व्यवस्थित गर्न कार्यक्रमसमेत ल्याइने उहाँले भनाइ छ ।

मन्त्री गिरीले सिँचाइको अधीनमा रहेको जमिन विभिन्न साधुसन्तको नाममा उपयोग भइरहेको बताउँदै त्यस विषयमा मन्त्रिपरिषदमा कुरा उठाउने बताउनुभयो ।

उहाँले संविधान कार्यान्वयन गर्न सबै मिलेर लाग्नुपर्ने बताउनुभयो । ‘कसैले पनि मेरो गोरुको बाह्रै टक्का’ गरे राजनीतिक निकास ननिस्किने उहाँँको भनाइ थियो ।

पत्रकार सम्मेलनमा नेपाली काँग्रेसका केन्द्रीय सदस्य गुरुराज घिमिरे, नेपाली काँग्रेस मोरङका सचिव मोदराज घिमिरेलगायतको सहभागिता रहेको थियो । रासस