हामी सबैकाे संसारन्यूज

८ फागुन, काठमाण्डौं । प्रधानमन्त्री केपी शर्मा ओलीले शासनमा जनप्रतिनिधिलाई रुलिङ पोजिसनमा पुर्याउनुको अर्थ लुटिङ फ्यासलिटी दिनु नभएको बताएका छन् ।

सेक्युरिटी प्रिन्टिङ प्रेस खरिदका लागि स्वीस एजेन्टसँग ७० करोड कमिसनका लागि कुराकानी भएको अडियो विहिबार सार्वजनिक भएपछि सूचना तथा संचारमन्त्री गोकुल बाँस्कोटाले राजिनामा दिए लगत्तै प्रधानमन्त्रीको यस्तो भनाई आएको हो ।

स्वच्छता पारदर्शिताका सम्बन्धमा अलिकति मात्रै पनि प्रश्न उठेमा यस्ता विषयमा कसैको अनुहार हेरेर व्यवहार नगर्ने बताउँदै प्रधानमन्त्रीले शुसासनका निम्ति चाल्नु पर्ने कदममा आफू नहिच्किचााउने समेत बताएका छन् ।

बिहिबार नेपाल राष्ट्र बैंकका डेपुटी गर्भनर चिन्तामणि सापकोटाद्धारा लिखित पुस्त ‘आर्थिक समृद्धि’को विमोचन गर्दै प्रधानमन्त्री ओलीले आफू भ्रष्ट्राचार अन्त्य र शुसासनका लागि नजिक र टाढाका मानिस नभन्ने समेत बताएका थिए ।