Sansar News
१३ फागुन, हङकङ । हङकङमा एक नेपाली महिलाले घरको छतबाट हाम फालेर आत्महत्या गरेको समाचार छ ।
फेब्रअरी २२ का दिन २९ वर्षीय नेपाली महिलाले वान ची रोडमा रहेको एक अर्पार्टमेन्टको छतबाट हाम फालेर आत्महत्या गरेको हङकङकबाट संचालित संचारमाध्यमले जनाएका छन् ।
उक्त अर्पाटमेन्टको आसपासमा रहेका स्थानीयहरुले उनी छतबाट हाम फाल्न लागेको देखेपछि प्रहरीलाई बोलाएका थिए । प्रहरी अधिकारीहरुले सुरक्षित तरिकाबाट फर्कनका लागि उनलाई मनाउने कोशिष गरेपनि उनले प्रहरीकै अगाडि छतबाट तल हाम फालेर हाम फालेको समाचार छ ।
उनी अचानक छतबाट हाम फालेपछि घाइते अवस्थामा एम्बुलेन्समा अस्पताल लिगए पनि अस्पतालले उनलाई मृत घोषणा गरेको बताइएको छ । उनले आत्महत्या गर्नु कारण के हो भन्ने कुराको प्रहरीले अनुसन्धान गरिरहेको बताइएको छ ।
उनी को हुन्, के गर्थिन ? र कहाँकी हुन् भन्ने पहिचान पनि खुलाइएको छैन ।
वि.सं.२०७६ फागुन १३ मंगलवार १७:२७ मा प्रकाशित
