हामी सबैकाे संसारन्यूज

१४ फागुन, काठमाडौँ । सरकारले नेपाल प्रहरीका कर्मचारीलाई प्रदेशस्तरमा समायोजन गने गरी ऐन ल्याएपछि गृहमन्त्रालयले आगामी वैशाखभित्रै समायोजन सक्नेगरी तयारी अगाडी बढाएको छ ।

ऐन लागु भएको एक महिनाभित्रै प्रदेश तथा केन्द्रको दरबन्दी तय गर्नुपर्ने प्रावधानअनुसार गृह मन्त्रालयले दरबन्दी यकिन गर्न तयारी अघि बढाएको हो । प्रहरीको समायोजनसम्बन्धी नयाँ ऐन ६ फागुनबाट लागू भइसकेको छ । ऐनमा उल्लेख भएअनुसार ७ चैतभित्रै समायोजनको प्रक्रिया सुरु गर्नेछ ।

गृहमन्त्रालयले प्रहरी प्रधान कार्यालय र प्रदेश सरकारसँग आवश्यक पर्ने दरबन्दीसमेत मागेको छ । मन्त्रालयले निजामती कर्मचारीलाई स्थानीय तहमा समायोजन गरेकै ढाँचामा समायोजनको खाका तयार गरिरहेको हो । समायोजनका लागि मन्त्रालयले सफ्टवयरसमेत निमार्ण गरिरहेको छ ।

ऐनअनुसार प्रदेशमा समायोजन हुने प्रहरी कर्मचारीको अन्यन्त्र सरुवा नहुने भएपछि प्रहरीभित्र समायोजनका विषयमा असन्तुष्टि देखिएको छ । बुधबारको राजधानी दैनिकबाट