Sansar News
१४ फागुन, काठमाडौँ । सरकारले चार जना सचिवको सरुवा तथा पदस्थापन गरेको छ । सोमबार बसेको मन्त्रिपरिषद् बैठकले दुई जना सचिवको सरुवा र हालै सचिवमा बढुवा भएका दुईको पदस्थापन गरेको हो ।
जस अनुसार राष्ट्रिय योजना आयोगका सचिव लक्ष्मण मैनालीको प्रधानमन्त्री तथा मन्त्रिपरिषद् कार्यालयमा सरुवा गरिएको छ भने कर्णाली प्रदेशका प्रमुख सचिव केवलप्रसाद भण्डारीलाई राष्ट्रिय योजना आयोगमा ल्याइएकोे छ ।
हालै सचिवमा बढुवा भएका टेकनारायण पाण्डेलाई कर्णाली प्रदेशको प्रमुख सचिवमा र रामकृष्ण सापकोटालाई नेपाल ट्रष्टमा पदस्थापन गरिएको प्रधानमन्त्री तथा मन्त्रिपरिषद् कार्यालय स्रोतले जानकारी दिएको छ । बुधबारको राजधानी दैनिकबाट
वि.सं.२०७६ फागुन १४ बुधवार ०७:४२ मा प्रकाशित
