हामी सबैकाे संसारन्यूज

१४ फागुन,जनकपुर । प्रदेश प्रहरी गठनसम्बन्धी आवश्यक संघीय कानुन आएसँगै प्रदेश २ सरकारले प्रहरी भर्नाका लागि आवश्यक तयारी थालेको छ ।

प्रदेश लोकसेवा आयोगले पाठ्यक्रम र परीक्षाको ढाँचा तयार गरिरहेको छ भने आन्तरिक मामिला तथा कानुन मन्त्रालयले विनियमावली र निर्देशिका तयार गर्दै छ ।

आन्तरिक मामिलामन्त्री ज्ञानेन्द्रकुमार यादवले ‘प्रहरी अधिकारी र सुरक्षा विज्ञसँग छलफल गरेर विनियमावली र निर्देशिकालाई अन्तिम टुंगो लगाइने’ बताए । प्रदेश प्रहरी गठनका लागि चाहिने आवश्यक संघीय कानुन माघ २८ मा आइसकेको छ । संविधानले प्रदेशभित्रको शान्ति सुरक्षासम्बन्धी अधिकार प्रदेश सरकारलाई दिए पनि संघीय कानुन नआउँदा प्रदेश प्रहरीको गठन अगाडि बढ्न सकेको थिएन ।

प्रदेश २ ले संघीय कानुन आउनु एक वर्षअघि नै प्रहरी ऐन ल्याएको थियो । प्रहरीको दरबन्दी निर्धारण र समायोजन गर्न ऐनले गृहसचिवको संयोजकत्वमा समिति रहने व्यवस्था गरेको छ । समितिको पहिलो बैठक मंगलबार बसेको छ । गृह मन्त्रालयका प्रवक्ता केदारनाथ शर्माले समायोजन कार्यलाई प्राथमिकता दिएर काम बढाइने बताए । बुधबारको कान्तिपुर दैनिकबाट