हामी सबैकाे संसारन्यूज

१६ फागुन, ओमान । व्यवस्थापिका संसदका सांसदहरु र मानबअधिकारकर्मीको टोलीले ओमानमा रहेका नेपाली श्रमिकहरुको अवस्था बुझ्ने भएका छन् ।

ओमानका लागि नेपाली राजदूत शर्मिला पराजुली ढकालको निवासस्थित हलमा १७ फागुन ( २९ फेब्रअरी) का दिन नेपाली श्रमिकहरुसँग छलफल कार्यक्रम राखिएकोले ओमानमा कार्यरत नेपाली दाजुभाइ दिदीबहिनीहरुको उपस्थितिका लागि अनुरोध गरिएको छ ।

‘अन्य खाडी मुलुकमा झै ओमानमा पनि घरेलु कामदारको रुपमा कार्यरत नेपाली दिदीबहिनीहरु तथा दाज्ुभाइहरुको संख्या उल्लेख्य रहेको व्यहोरा विदितै छ,’ दूतावासद्धारा जारी विज्ञप्तिमा भनिएको छ, ‘यसै परिवेशमा खाडी मुलुकमा रहेका श्रमिकहरु विशेष गरी घरेलु कामदारको अवस्था अध्ययन गर्न नेपालको व्यवस्थापिका संसदका माननीय सांसदहरुज्यू तथा नेपाल राष्ट्रिय मानब अधिकार आयोगका माननीय आयूक्तज्यूले यहि पेब्रअरी २९ (फागुन १७) गतेदेखि ओमान लगायत खाडी मुलुकको अवलोकन गरी यहाँ कार्यरत श्रमिकहरुको वस्तुस्थिति बुझ्ने कार्यक्रम रहेको छ ।’