Sansar News
१६ फागुन, काठमाडौँ । भोलीबाट थाईल्याण्डमा सुरु हुने एसीसी इस्टर्न रिजन टि–२० प्रतियोगितामा नेपालले पहिलो खेल मलेशिया विरुद्ध खेल्न गईरहेको छ ।
भोली पहिलो खेल थाईल्याण्ड र सिंगापुर बिच ८:१५ मा हुनेछ भने भोली दिउँसो दोस्रो खेल नेपाल र मलेशिया बिच हुनेछ । फागुन १७ देखी फागुन २३ गते सम्म चल्ने प्रतियोगितामा नेपालले कुल ४ खेल खेल्ने छ ।
नेपाल र मलेशिया बिच भएका पछिल्ला ३ टि–२० खेलमा नेपालले ३ वटामैँ जित निकाल्न सफल भएको छ ।
नेपालले २०१९ मा मलेशिया भ्रमणका क्रममा मलेशिया विरुद्ध २ खेलको टि–२० श्रृखला खेलेको थियो । पहिलो खेलमा नेपाल ७ विकेटले विजयी भएको थियो भने दोस्रो खेलमा पनि नेपाल ६ रनले विजयी हुदैँ श्रृखला २–० ले जितेको थियो ।
२०१९ मैँ नेपालले आईसीसी टि–२० क्वालिफायरमा पनि मलेशियाको सामना गरेको थियो । त्यस खेलमा पनि नेपालले मलेशियालाई ७ विकेटले पराजित गर्न सफल भएको थियो ।
यदि भोली नेपालले राम्रो प्रदशन गर्न सकेमा मलेशिया विरुद्ध अर्को जित निकाल्ने छ ।
भोली खेल नेपाली समय अनुसार १२:१५ बाट सुरु हनेछ ।
वि.सं.२०७६ फागुन १६ शुक्रवार ११:५६ मा प्रकाशित
