हामी सबैकाे संसारन्यूज

१७ फागुन, काठमाण्डौं । ६ वटा मुलुकमा शुक्रबार पहिलोपटक कोभिड–१९ संक्रमण पाइएको छ । अफ्रिकी राष्ट्रमध्ये सबैधन्दा धेरै जनसंख्या रहेको नाइजेरियामा भाइरस संक्रमण भएको पुष्टि भएको छ ।

इटालीबाट आएका एक पुरुषमा संक्रमण पाइएको स्वास्थ्य अधिकारीले जनाएका छन् ।

न्युजिल्याण्डमा पनि पहिलोपटक संक्रमित पुष्टि भएको छ । इरानबाट फर्किएका एक व्यक्तिमा कोभिड–१९ देखिएको त्यहाँको स्वास्थ्य मन्त्रालयले उल्लेख गरेको छ । पुर्वी युरोपका बेलारुस, र लिथुवानियाले पहिलोपट आफ्ना देशमा कोभिड–१९ संक्रमण पाइएको जनाएका छन् । इस्टोनिया र नेदरल्याण्ड्सले पनि भाइरस संक्रमित रहेको पुष्टि गरेको आजको कान्तिपुरले ऐजेन्सीलाई उदृत गर्दै लेखेको छ ।

कोभिड–१९ बाट जापानमा एक बेलायती नागरिकको मृत्यु भएको छ । योकोहोमा रहेका पिू्रन्सेस डाइमण्ड पानी जहाजमा रहेका उनको मृत्यु भएको जापानको स्वास्थ्य मन्त्रालयले जनाएको छ । कोरोना भाइरसबाट मृत्यु हुने उनी पहिले बेलायती भएको बताइएको छ ।

त्यस्तै चीनको छिमेकी मंगोलियाका राष्ट्रपति बद्दुल्गा खल्तमालाई पनि क्वारेन्टाइनमा राखिएको छ । हालसम्म कोभिड–१९ को संक्रमण पुष्टि नगरिसकेको मंगोलियाले सुरक्षाका हिसाबले भर्खरै चीन भ्रमणबाट फर्किएका राष्ट्रपतिलाई क्वारेन्टाइनमा राखेको हो ।