हामी सबैकाे संसारन्यूज

१७ फागुन, काठमाण्डौं । दैनिक ५३ लाख रुपैयाँ घाटा बेर्होदै आएको र ४० अर्ब ऋणमा डुबेको नेपाल वायु सेवा निगमले सोमबार जापानको नारिताका लागि गर्न लागेको पहिलो उडानमा २१ जनालाई ‘औचित्यविना’ लैजाने भएको छ । उनीहरु सबैको आतोजाते टिकट, भिसाा शुल्क, होटल खर्च र दैनिक भ्रमण भत्ता निगमले व्यर्होने छ । निगमले यसमा न्यूनतम् २५ लाख रुपैयाँ लाग्ने भनेको छ ।

निगमका एक निर्देशकका अनुसार सञ्चालक समितिका सदस्य तथा सांसदलाई दैनिक १ सय १० डलर भत्ता, जापान बसाईका क्रममा प्रतिकोठा दैनिक १ सय १२ डलर, आउने जाने हवाई टिकट, कार्यक्रमलगायत खर्चको विल संस्कृति पर्यटन तथा नागरिक उड्डयन मन्त्रालयले निगमलाई बेर्होन भनिएको छ ।

‘सांसदलगायत एकतर्फी, १ लाख रुपैयाँ हाराहाराीमा पर्ने विजनेश श्रेणीको सिटमा लैजाने भनिएको छ,’ निगमका वाणिज्य विभागका एक कर्मचारीले भने, ‘ तर, यताबाट जाँदा सबै बिजनेश श्रेणीका सिट खाली भएकाले भ्रमणमा जाने सबैको सिट ७० हजार रुपैयाँ पर्ने इकोनोमि श्रेणीबाट अपग्रेड गर्नुपर्ने भनिएको छ ।’ शानिबारको कान्तिपुर दैनिकमा समाचार छ ।

जापानको लागि उड्ने वाइडबडी विमानमा १८ वटा विजनेश, २ सय ५६ इकोनोमिसहित २ सय ७४ वटा सिट रहेका छन् । यो भ्रमणमा इकोनोमि श्रेणीमा राखिएका भ्रमणका सदस्यलाई विजनेश श्रेणीमै लैजाने भनिएको विमानस्थलस्थित अन्तराष्ट्रिय उडान हेर्ने अधिकारीले बताए । सोमबार जाने नेपाली टोली बुधबार मात्रै फर्किनेछ ।