हामी सबैकाे संसारन्यूज

१८ फागुन, दमौली । तनहुँको व्यास नगरपालिका दमौली बजारका कल्पना गौलीले खेतबारी नभए पनि कौसीमा प्रशस्त तरकारी उत्पादन गर्न सकिन्छ भन्ने कुराको पुष्टि गरेकी छिन् ।

दमौली बजारको मुटु , दमौलीको सबैभन्दा बढी व्यापार हुने मार्ग भनेर चिनिने कालिका मार्गमा करिब एक आनाको क्षेत्रफलमा बनेको पक्की घरको कौसीमा गौलीले करिब एक दर्जन थरीका तरकारी र जडीबुटी लगाएकी छिन् ।
उनको घरको कौसीमा मात्र हैन, हरेक तलाको बरन्डामा समेत गमलामा तरकारी लटरम्म फलेको देख्न पाइन्छ ।

एक आनाको जग्गामा बनेको घरमा भरयाङ्लगायतको भाग छोड्दा जम्माजम्मी आधा आना पनि केही बढी ठाउँ बाँकी रहेको छ । त्यसमा पनि पानी जम्मा गर्ने दुईवटा ट्याङ्की त्यसभित्रै अटेका छन् । त्यो बाँकी रहेको ठाउँमा उनले सिमेन्टको गारो उठाएर त्यसमा पनि माटो भरेर तरकारी लगाएका छन् । आइतबारको गोरखापत्र दैनिकबाट