हामी सबैकाे संसारन्यूज

१८ फागुन, काठमाण्डौं । नेपाली कांग्रेसका प्रभावशाली नेता डा. चन्द्र भण्डारीले पार्टी शभापति शेर बहादुर देउवाको कार्यशैलैप्रति व्यंग गरेका छन् ।
नेता डा. भण्डारीले सभापति देउवाको कार्यशैलीप्रति व्यंग्य गर्दै शभापति अति दानी भएको र पार्टीको लेटरप्याडमा जति पनि पद बाड्न सक्ने आरोप समेत लगाएका छन् ।

उनले सामाजिक संजाल फेबुकमा लेखेका छन्, ‘नेपाली काग्रेसभित्र सभापति श्री शेरबहादुर देउवा धेरै दानी र उदार हुनुहुन्छ । उहाँले काग्रेसको लेटर प्याडमा जती पनि पद बाड्न सक्नु हुन्छ । चारपटक प्रधानमन्त्री भै छन्न छनी मन्त्री, सभासद, राजदूत एउटै ब्यक्तिलाई पटकै पटक दिन सक्ने दानी नेतालाई सुविधा नहुने पद बाड्नु कुन ठूलो कुरा भयो र ? दानवीर पो हुनु पर्दछ । ठूला नेताले विधान र संविधान मान्नु पर्दछ भनेर कतै लेखिएको छैन गुटको ब्यवस्थापन गरे पुग्दछ । विवेक को प्रयोग त मुर्खले गर्ने न हो !!! समान अवसर र न्यायलाई मुर्दावाद ।’