हामी सबैकाे संसारन्यूज

२१, फागुन काठमाडौँ । एसीसी इस्टर्न रिजन टि–२० प्रतियोगितामा, नेपाल र थाइल्याण्ड बिच भएको खेलमा नेपाल ९ विकेटले विजयी भएको छ ।

टस जितेर पहिले ब्याटिङ्ग गरेको थाइल्याण्डले २० ओभरमा १० विकेट गुमाएर ६६ रन बनाएको थियो । नेपालका लागि बलिङ्ग तर्फ करण केसीले सर्वाधिक ३ विकेट हात पारेको छन ।

नेपालका अर्का बलर सन्दिप लामिछाने पनि टि–२० अन्तराष्ट्रिय क्रिकेटमा वल्र्ड रेर्कड बनाएका छन । उनले आफ्नो ४ ओभरमा २४ बल गर्दा २२ डट बल गरेका थिए । सन्दिप लामिछाने टि–२० अन्तराष्ट्रिय क्रिकेटमा सर्वाधिक डट बल गर्ने खेलाडी  बनेका छन ।

थाइल्याण्डले दिएको ६७ रनको लक्ष्य नेपालले ५.३ ओभरमा १ विकेट गुमाएर पुरा गर्यो । नेपाललका लागि कुशल मल्लले १८ बलमा ३६ रन र पवन शराफले १० बलमा २७ रनको बिस्फोटक पारी खेलेका थिए ।

एसीसी इस्टर्न रिजन टि–२० प्रतियोगितामा नेपालको यो पहिलो जित हो ।