हामी सबैकाे संसारन्यूज

२१ फागुन, काठमाडौँ । शिक्षा विज्ञान तथा प्रविधि मन्त्रालय तथा बुढानीलकण्ठ स्कुल काठमाडौँले छात्रवत्तिसम्बन्धी सूचना प्रकाशित गरेको छ ।

बूढानीलकण्ठ स्कुल तथा साझेदारी कार्यक्रम अन्तर्गतको छात्रवृत्ति परीक्षासम्बन्धी सूचना प्रकाशित गरेको हो ।

शिक्षा, विज्ञान तथा प्रविधि मन्त्रालयअन्तर्गत बूढानीलकण्ठ स्कुल, काठमाडौँ तथा साझेदारी कार्यक्रममा सहभागी विद्यालयहरूमा विपन्न समुदायका जेहेनदार बालबालिकाहरूलाई छात्रवृत्ति कार्यक्रमअन्तर्गत आवासीय रूपमा निःशुल्क वा सहुलियत शुल्कमा कक्षा ५ देखि अध्ययनका लागि वि.सं २०६६ वा २०६७ सालमा जन्म भई कम्तीमा २ वर्ष अगाडिदेखि स्थानीय सामुदायिक विद्यालयमा नियमित रूपमा अध्ययन गरी शैक्षिक सत्र २०७६ मा कक्षा ४ अध्ययन गरेका छात्र–छात्रामध्ये विभिन्न भौगोलिक क्षेत्र तथा लक्षित समुदायसमेतको प्रतिनिधित्व हुने गरी खुला प्रतियोगिताबाट विद्यार्थी छनोट गर्नुपर्ने भएकाले सम्बन्धित सबैको जानकारीका लागि यो सूचना प्रकाशित गरिएको सूचनामा जनाइएको छ ।