हामी सबैकाे संसारन्यूज

२३ फागुन, काठमाडौँ । जिल्ला जाजरकोट जुनीचाँदे गाउँपालिकाका अध्यक्ष कृष्णबहादुर के.सी. र प्रधानाध्यापक चन्द्रबहादुर बस्नेत घुस सहित पक्राउ परेका छन् ।

अध्यक्ष केसीले बिभिन्न उपभोक्ता समितिमार्फत भएको सडक निर्माणको काम सम्पन्न पश्चात भुक्तानीका लागि सहजीकरण गरिदिने भनी घुस माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको टोलीले अक्ष्यक्ष केसी र निजसँगै रहेका प्रधानाध्यापक बस्नेतलाई ८ लाख घुस लिइसकेको अवस्थामा पक्राउ गरेको हो ।

अनुसन्धानको सिलसिलामा केसी र बस्नेतले एक आपसमा मिलेमतो गरी सेवाग्राहीसँग सडक निर्माण काम सम्पन्न पश्चात भुक्तानीको लागि सहजीकरण गरिदिने भनि उक्त रकम बाँडी लिएको प्रमाण पुष्टि हुन आएकोले निजहरुलाई भ्रष्टाचार निवारण ऐन बमोजिमको सजाय हुन मागदाबी लिई आज विशेष अदालत, काठमाडौंमा आरोप–पत्र दायर गरीएको अख्तियारले जनाएको छ ।