हामी सबैकाे संसारन्यूज

२९ फागुन, काठमाडौँ । ट्याक्सी व्यवसायीलाई फाइदा पुग्ने गरी पटक पटक टुटल र पठाओअक्षित सेवालाई रोक्ने प्रयास गर्दै आएको यातायात व्यवस्था विभागले फेरि अर्काे प्रयास गरेको छ ।

टुटल र पठाओअक्षित सेवालाई नरोक्न अदालत, प्रधानमन्त्री र स्वयं विभागीय मन्त्रीले दिएको निर्देशनको समेत बेवास्ता गर्दै विभागले मंगलबार तेस्रोपटक सूचना जारी गरेको हो ।

विभागका महानिर्देशक गोगनबहादुर हमालले जारी गरेको सूचनामा ‘कुनै एक प्रयोजनको लागि दर्ता भएको सवारी अर्काे प्रयोजनको निम्ति प्रयोग गर्न पाइनेछैन’ भन्ने व्यहोरा उल्लेख छ । यस्तो सूचनामार्फत विभागले टुटल र पठाओको सेवा रोक्न खोजेको हो । बिहीबारको नयाँ पत्रिका दैनिकबाट