हामी सबैकाे संसारन्यूज

विद्रोही पछि हट्ने सम्झौतापछि सर्वसाधारण र विद्रोही पक्षलाई सिरियाको एलेप्पो सहरबाट बाहिर निकालिएको बताइएको छ ।
रेडक्रसको अन्तर्राष्ट्रिय समितिकाअनुसार उद्धारकार्यको लागि अझै केही दिन लाग्ने छ ।
सुरक्षाकर्मीको तीनवटा जत्थाले एलेप्पो सहरबाट सर्वसाधारण, लडाकूहरु, र तीनका परिवारलाई बस र एम्बुलेन्समा उद्धार गरेका छन् ।
सिरियास्थित रेडक्रसको अन्तर्राष्ट्रिय समितिका प्रमुख मारिन्ने गस्सेरले भन्नुभयो, “बालबालिकासमेत गरी करिब तीन हजार नागरिकलाई एलेप्पो सहरबाट उद्धार गरिएको छ ।
ती मध्ये ४० जना घाइतेलाई पनि उद्धार गरिएको उहाँले जानकारी दिनु भएको छ ।
विद्रोहीले नियन्त्रण गरेको क्षेत्रलाई सरकारी सुरक्षाकर्मीहरुले यसै हप्ता आफ्नो नियन्त्रणमा लिएका हुन् ।
राष्ट्रपति बसर अल असदले एलेप्पोले इतिहास रच्ने बताउनु भएको छ ।

सिरियामा सन् २०११ को मार्च महिनामा सुरु भएको जनआन्दोलन केही समयपछि गृहयुद्धमा परिणत भएको थियो । जारी गृहयुद्धको कारण २०११ देखि हालसम्मा मृत्यु हुनेको व्यक्तिको सङ्ख्या तीन लाख १२ हजार पुगेको बेलायतस्थित सिरियाली मानवअधिकारवादी संस्थाले जनाएको छ ।

सिरियन अब्जरभेटरी फर ह्युमन राइट्सले गत मङ्गलबार सार्वजनिक गरेको तथ्याङ्कमा युद्धका कारण तीन लाख १२ हजार व्यक्तिको मृत्यु भएको र यसमध्ये ९० हजार सर्वसाधारणको मृत्यु भएको जनाइएको छ ।
यस द्वन्द्वको कारण लाखौं व्यक्ति घाइते भएका छन् भने, लाखौ आफ्नो देश या विदेशका शरणार्थी जीवन विताउन वाध्य छन् । रासस ÷एएफपी