Logo
१० कार्तिक २०७८, बुधबार
     Wed Oct 27 2021
E-paper
  English Edition
   Unicode
Logo

कोरोनाका कारण नेपालमा पनि अघोषित संकटकाल



२ चैत, काठमाडौं । कोरोना भाइरसको संक्रमण विश्वका १ सय ५२ देशमा फैलिएसँगै कतिपय देशमा संकटकालको घोषणा गरिएको छ । यूरोपका अधिकांश देश, अमेरिका इराकलगायतका देशमा संकटकाल लगाईएको छ । नेपालमा कोरोनाको संक्रमण नदेखिएपनि यस्का असर भने व्यापक परेको छ । नेपालमा संकटकालकै घोषणा नभए पनि अघोषित संकटकाल भने लागिसकेको छ ।

उद्योग, वाणिज्य तथा आपूर्ति मन्त्री लेखराज भट्टले कोरोना भाइरसका कारण देशमा अघोषित संकटकाल लागेको बताएका छन् । उपभोक्ता अधिकार दिवसका अवसरमा आइतबार काठमाडौंमा आयोजित कार्यक्रममा उनले संकट टार्न सरकार सम्पूर्ण तयारीका साथ खटिएको बताए ।

‘कोरोना भाइरसका कारण अहिले मुलुकमा अघोषित संकटकाल लागेको छ, संकट टार्न सबै निकाय दिनरात नभनी खटिरहेका छौं’ उनले भने, ‘संकटका बेला जनता, सरकारी तथा गैरसरकारी निकाय, अधिकारकर्मी सबैको साथ र सहयोग चाहिएको छ । यो संकट राज्यले कुनै पनि हालतमा टार्छ ।’

मन्त्री भट्टले संकटका बेला खाद्यवस्तु र इन्धन मौज्दात नराख्न आग्रह गरेका छन् । उनले संकटका बेला काम गरेन भनेर सरकारी निकायलाई आरोप लगाउनुभन्दा कालोबजारी भएको देखेमा सूचना दिन आग्रह गरे ।

१ सय ५२ देशमा फैलिएको कोरोनाको कारण विश्वभर ज्यान गुमाउनेको संख्या ५ हजार ८३५ पुगेको छ भने १ लाख ५६ हजार ५ सय ३३ जना संक्रमित भएका छन् ।


यो खबर पढेर तपाईलाई कस्तो महसुस भयो ?

काठमाडौँ । बीस महिनापछि नेपाली कामदार दक्षिण कोरिया जाने भएका छन् । लामो समयदेखि

काठमाडौं । यातायात व्यवस्था विभागले मंगलबारदेखि सवारी चालक अनुमति पत्र (लाइसेन्स)को नयाँ आवेदन खुलाएको

दिल्ली । अश्लिल फिल्म बनाएर विदेशमा बेचेको आरोपमा पक्राउ परेका आफ्ना पतिलाई छुटाउनका लागि