Sansar News
२ चैत्र । संघीय संसद सचिवालयको महासचिवको जिम्मेवारी प्रतिनिधि सभाका सचिव गोपालनाथ योगीलाई दिइएको छ ।
महासचिव मनोहर प्रसाद भट्टराईले आइतबारबाट उमेरहदका कारण अवकाश पाएसँगै योगीलाई वरियताका आधारमा नयाँ महासचिव नियुक्ति नहुँदासम्मका लागि महासचिवको जिम्मेवारी दिइएको हो ।
अहिले नयाँ महासचिव नियुक्ति नहुँदासम्मका लागि जिम्मेवारी दिने गरी प्रतिनिधि सभाका सचिव योगीलाई नियुक्त गरिएको संसद सचिवालयले जनाएको छ ।
महासचिव भट्टराई विदेश भ्रमणमा जाँदा वा लामो समय बिदा बस्दा योगीलाई कार्यवाहक महासचिवको जिम्मेवारी दिने गरिएको थियो ।
संसद सचिवालयमा योगीसहित ४ जना सचिवहरु रहेका छन् । संघीय संसद्अन्तर्गत प्रतिनिधिसभामा गोपालनाथ योगी र भरतराज गौतम तथा राष्ट्रियसभामा राजेन्द्र फुयाँल र ध्रुवप्रसाद घिमिरेसहित ४ जना सचिव छन्।
वि.सं.२०७६ चैत २ आइतवार १८:५८ मा प्रकाशित
