हामी सबैकाे संसारन्यूज

२ चैत, काठमाण्डौं । नेपाली सेनाले यसवर्षको घोडेजात्रा कार्यक्रमलाई आन्तरिक रुपमै समिति राख्ने जनाएको छ ।

‘घोडेजात्रा समारोह २०७६’ आयोजना सम्बन्धमा आइतबार एक सूचना जारी गर्दै नेपाली सेनाले कोरोना भाइरस (कोभिड–१९) का कारण चैत ११ गते पर्ने यसवर्षको घोडेजात्रा समारोह नेपाली सेनाको परम्परालाई कायम राख्ने उद्धेश्यका साथ आन्तरिक रुपमा समिति व्यक्तिहरुको उपस्थितिमा आयोजन गर्ने निर्णय गरेको सेनाले जानकारी दिएको छ ।

हाल विश्वका विभिन्न राष्ट्रहरुमा फैलिरहेको कोरोना भाईरस (कोभिड -१९) का कारण नेपाल सरकारले सभा, सम्मेलन, भेला, कार्यक्रम नगर्न आव्हान जारी गरेसँगै उक्त भाईरसको जोखिमलाई मध्ये नजर गरि यस वर्षको घोडेजात्रा समारोहमा विशिष्ट तथा अन्य पाहुनाहरुलाई सहभागी नगराउने निर्णय गरिएको हो ।

उक्त समारोहको विभिन्न टेलिभिजनहरुमार्फत प्रत्यक्ष प्रसारण गरिने पनि सेनाले जानकारी दिएको छ ।

नेपाल सरकारको निर्णय बमोजिम कोरोना भाईरसको उच्च जोखिम विरुद्ध बचाउ तथा रोकथामका लागि उपलब्ध सबै उपायहरुको अवलम्बन गर्न नेपाली सेना प्रतिवद्ध रहेको समेत जनाइएको छ ।