हामी सबैकाे संसारन्यूज

२ चैत्र । नेपालमा वित्तीय क्षेत्रको वर्तमान अवस्था र नेपाल राष्ट्र बैंकको भावी नेतृत्व बारे अर्थविद्बीच बहस भएको छ ।

संचार केन्द्र नेपालको हलमा आइतबार भएको कार्यक्रममा पुर्व अर्थमन्त्री शंकरप्रसाद कोइराला, राष्ट्र बैंकका प्रथम गभर्नर हिमालय शमशेर राणा, बैंकर्श एशोसिएशनका अध्यक्ष भुवन दाहाल, कृषि विकास बैंकका अध्यक्ष लक्ष्मि प्रपन्न निरौला, योजना आयोगका पुर्व सदस्य एवं कृषि विकास बैंकका पुर्व कार्यकारी प्रमुख जनकराज शाह र अर्थविद बिनोद गुरागाइ लगायतका अर्थ विदहरुको उपस्थिति रहेको थियो ।

उनीहरुले चैत ५ गतेबाट खाली हुने गभर्नर पदमा राष्ट्र बैंक भित्रकै अनुभवी र योग्य व्यक्तित्व भित्र्याउन सके राष्ट्रिय अन्तर्राष्ट्रिय क्षेत्रमा विश्वास बढ्ने कुरामा जोड दिएका छन् ।

राष्ट्र बैंकमा कुनै पनि प्रकारको हस्तक्षेप नगरी भित्रबाटै गभर्नर छनोट गरे राम्रो हुने उपस्थिति वक्ताहरुको धारणा आएको थियो ।