हामी सबैकाे संसारन्यूज

४ चैत, काठमाण्डौं । कोरोना भाइरस संक्रमण थप फैलिन नदिन गरेको सावधानीलाई बेवास्ता गर्ने २० नेपाली कामदारलाई कतारले फिर्ता पठाइदिएको छ । दुईजना दुई दिन अघि र १८ जना सोमबार फिर्ता भएका हुन् ।

खाडी मुलुकले पछिल्लो समय कामदारलाई सेल्फ क्वारेन्टाइन र सामुहिक क्वारेन्टाइनमा राखेको छ । कामदार क्वारेन्टाइनबाट सिधै काम गर्न जाने स्थानमा जान पाउँछन् । तर बाहिर जान पाउँदैनन् । त्यसबारे दूतावासले पनि सूचना जारी गरेको छ । तर ती नेपाली निशेधित क्षेत्रमा पुगेकाले पक्राउ गरी स्वदेश फर्काइदिएको परराष्ट्र अधिकारीले बताए । कतारको सुरक्षा निकायले २७ जनालाई पक्राउ गरेको थियो । परीक्षण गर्दा ज्वरो देखिएकमा ७ जनालई भने आइसोलेसनमा राखिएको मंगलबारको अन्नपूर्णपोष्ट दैनिकमा समाचार छ ।

त्यस्तै त्रिभुवनट विमानस्थल अध्यगमन कार्यालयले स्वास्थ्य प्रमाणपत्र नल्याएका ३६ विदेशीलाई नेपाल प्रवेशमा रोक लगाएको छ ।

अध्यागमाले कोरोना भाइरस नभएको व्यहोरा लेखिएको स्वास्थ्य प्रमाणपत्र नल्याई प्रवेश गर्न खोज्ने ३६ विदेशीलाई फिर्ता गरेको हो । फिर्ता पठाएकामा नेपाली मुलका बेलायती स्वणीर्म गुरुङ पनि छन् । कोरोना भाइरस रोकथाम र नियन्त्रणका लागि अध्यागमनले स्वास्थ्य प्रमाणपत्र नल्याएका विदेशीलाई फर्काउने नीति लिएको छ । अध्यागमनले फागुन २७ गते देखि सोमबारसम्म ३६ विदेशीलाई फिर्ता गरेको हो ।