हामी सबैकाे संसारन्यूज

७ चैत, काठमाण्डौं । विश्वव्यापी रुपमा फैलिएको कोरोना भाइरसको महामारी र नेपालमा त्यसबाट बच्न सरकारले गरेको व्यापक तयारी तथा त्यसको रिर्पोटिङमा हिड्ने पत्रकारको पनि स्वास्थ्य जोखिम हुने भएकाले विशेष कोषको स्थापना गर्न माग गरिएको छ ।

क्रान्तिकारी पत्रकार महासंघले यस्तो जोखिम अवस्थामा रिर्पोटिङमा खटिने र संक्रमित तथा घटनास्थलमा पुगेर स्थलगत रिर्पोटिङ गर्नुपर्ने हुँदा पत्रकार तथा संचारकर्मीहरुको स्वास्थ्य स्वभाविक रुपमा थप जोखिममा पर्ने ठहर गरेको हो ।

‘तर्सथ पत्रकारहरुको लागि जोखिमयुक्त स्थानमा रिर्पोटिङमा जादा प्रयोग गर्नुपर्ने आवश्यक स्वास्थ्य सामग्री उपलब्ध गराउन र पत्रकारहरुको स्वास्थ्य रक्षाका लागि विशेष कोषको स्थापना गर्न आम श्रमजीवी पत्रकारहरुको नेतृत्वदायी संगठन क्रान्तिकारी पत्रकार महासंघ सरकारसँग जोडदार माग गर्दछ ।’ महासंघका अध्यक्ष इन्द्र राउतद्धारा  शुक्रबार जारी विज्ञप्तिमा भनिएको छ ।