Sansar News
७ चैत्र, काठमाडौँ । प्रधानमन्त्री केपी शर्मा ओलीले विदेशमा बस्ने नेपालीहरुलाई नआतिन र आवश्यक पर्दा कुटनीतिक नियोगमा सम्पर्क गर्न अनुरोध गरेका छन् । शुक्रबार साँझ जनताको नाममा सम्बोधन गर्दै उनले यस्तो आग्रह गरेका हुन् ।
‘कोरोना भाइरसको महामारीका कारण तपाईहरुलाई मुलुक फर्किन केही असुविधा परेको मेरो जानकारीमा छ’ भन्दै प्रधानमन्त्रले आग्रह गरेका छन् ‘यस घडीमा, नआत्तिन र चिन्तित नहुन आग्रह गर्दै आवस्यक पर्दा आपूm रहेको देशको कुटनीतिक नियोगमा सम्पर्क राख्नु हुन आग्रह गर्दछु ।’
उनले नियोगहरुले सक्दो सहयोग गर्ने जानकारी गराएका छन् । उनले भनेका छन् ‘हाम्रा नियोगहरुले तपाईहरुका समस्या हल गर्न सक्दो सहयोग गर्ने जानकारी गराउँदछु ।’
कोरोना भाइरस रोकथाम तथा नियन्त्रण उच्चस्तरीय समितिको बुधबार बसेको बैठकले सबै अन्नर्राष्ट्रिय उडान बन्द गर्ने घोषणा गरेलगत्तै विदेशमा बस्ने नेपालीहरुले आफ्नो देश फर्कन सरकारले रोक्नु अनुचित भएको मन्दै सरकारको आलोचन गरिरहेका छन् ।
वि.सं.२०७६ चैत ७ शुक्रवार १९:१७ मा प्रकाशित
