Sansar News
८ चैत, काठमाण्डौं । विश्वव्यापी रुपमा महामारीको रुपमा फैलिएको कोरोना भाइरससँग जुझ्नका लागि चिनियाँ कम्पनी अलिवावाका मालिक ज्याक माले नेपाललाई सहयोग गर्ने घोषणा गरेका छन् ।
चिनियाँ रिटेल कम्पनीका मालिक ज्याक माले नेपालसहित नौ एसियाली देशलाई कोरोना भाइरससँग लड्नका लागि विभिन्न सामग्री उपलब्ध गराउने घोषणा गरेका हुन् ।
ज्याक माले दक्षिण एसियाली मुलुकहरुमा नेपाल, पाकिस्तान, बंगलादेश, श्रीलंका, अफगानिस्तान, कम्बोडिया, मालदिभ्स, म्यानमार र लाओसलाई सहयोग गर्ने पनि ट्विटरमा बताएका छन् ।
कुन मुलुकलाई कति सामाग्री सहयोग गरिने भन्ने नखुलाएका ज्याक माले १० लाख मास्क, २ लाख टेष्ट किट ३६ हजार सुरक्षा पोसाक, भेन्टिलेटर र थर्मोमिटर दिने भएका हुन् । उनले उक्त कुरा ट्विटमार्फत् बताएका हुन् । उनले ट्विटमा भनेका छन् ‘यो सामग्री पुर्याउन त्यति सहज छैन तर हामी यो सम्पन्न गर्ने छौं ।’
वि.सं.२०७६ चैत ८ शनिवार १४:२६ मा प्रकाशित
