हामी सबैकाे संसारन्यूज

८ चैत, काठमाण्डौं । कोरोना भाइरस संक्रमणका विरामी नर्भिकमा उपचार गराइरहेको र सरकारले त्यसको सूचना लुकाएको भन्दै सामाजिक संजालमा आएका कुराहरुमा सत्यता नभएको नर्भिक अस्पतालले जानकारी दिएको छ ।

शनिबार बिहानैदेखि नै फेसबुक लगायतक विभिन्न सामाजिक संजालमा नर्भिकमा ८ जना कोभिड–१९ का विरामी भेटिए भन्ने शब्द एवम् भाषिक भ्रामक कपोकल्पित एवं झुठ्ठा समाचार प्रकाशित भएकोमा नर्भिक अस्पताल परिवार आश्चर्यचकित भएको जनाएको छ ।

अस्पतालद्धारा जारी विज्ञप्तिमा भनिएको छ, ‘नर्भिकका कार्यकारी निर्देशक राजेन्द्र बहादुर सिंहले राष्ट्रमा आइपरेका जटिल एवम् संवेदनशील समस्यामा सबै निकाय एकजुट भै समस्यासँग लड्नुपर्ने आजको अवस्थामा यस्ता खाले भ्रामक समाचारप्रति हामी घोर खेद प्रकट गर्दछौं भन्नु भयो । साथै यसखाले अपराधपूर्ण अफवाहको हामी कडा निन्दा समेत गर्दछौं । हालसम्म नर्भिकमा कोभिड–१९ का कुनैपनि विरामी पत्ता लागेका छैनन् यसमा हामी सबै निश्चिन्त र प्रष्ट हुनुपर्छ ।’