हामी सबैकाे संसारन्यूज

८ चैत्र, काठमाडौँ । नेपालीहरु सहयोगी मात्र छैनन्, देशलाई संकट परेको बेला नेपालीहरु ठूलो मन देखाउन सक्छन् भन्ने थोरै नै भएपनि केही व्यक्तिहरुले देखाएका छन् ।

विश्व स्वास्थ्य संगठनले नेपाललाई पनि कोरोना भाइरसको उच्च जोखिम देशमा राखेपछि र अन्य मुलुकमा फैलने क्रम बढेपछि नेपालमा पनि सर्तकता बढी रहेको छ । सरकारले पनि आफ्ना नागरिकलाई सुरक्षित राख्न सक्दो प्रयास गरेकै देखिन्छ । यो संगिन सक्रमणकाल हो, यस्तो अवस्थामा राज्यका साथै नागरिकको पनि सहयोग उत्तिकै महत्वपूर्ण हुन्छ ।

केहि दिनदेखि नागरिकका तर्फबाट पनि आफ्नो ठाउँबाट राज्यलाई सहयोग गरेका समाचाहरु आइरहेका छन् । यसैक्रममा दाङ घोराहीका राजीव गौतम(वैरागी जेठा) ले आफ्नो ३० कोठाको नगर मार्केट आइसोलेसनका लागि निशुल्क उपलब्ध गराउन तयार रहेको जनाएका छन् ।
उनले सामाजिक सञ्जालमार्फत सौचालय र फिल्टर पानीको राम्रो सुविधा भएको राप्ती स्वास्थ बिज्ञान प्रतिष्ठानसङ्ग जोडिएको र प्रतिस्ठानकै कम्पाउण्ड भित्रबाट सजिलै आवत जावत गर्न सकिने 10×12  फीटका करीब घण् वटा कोठाहरु स्वास्थ बिज्ञान प्रतिस्ठानलाई निःसुल्क उपलब्ध गराउन तयार भएको जनाएका हुन् ।

उनले भनेका छन् :
” कोरोनाको कहर सर्बत्र फैलिरहेको अबस्थामा राप्ती स्वास्थ बिज्ञान प्रतिष्ठानसङ्ग जोडिएको र प्रतिस्ठानकै कम्पाउण्ड भित्रबाट सजिलै आवत जावत गर्न सकिने 10×12  फीटका करीब ३० वटा कोठाहरु गौतम नगर मार्केट भित्र खाली छन । सौचालय र फिल्टर पानीको राम्रो सुबिधा छ । यदि आइसोलेसन का लागि उपयुक्त भए कोरोनाको कहर रहेसम्म स्वास्थ बिज्ञान प्रतिस्ठानलाई निसुल्क उपलब्ध गराउन सक्छु ।चाहिए आधिकारिक ब्यक्तिहरुले सम्पर्क गर्नु होला । स्वर्गद्वारी महाप्रभु , पशुपति नाथ र अम्बे माताले हामी सबैको रक्षा गरुन ।हरि ॐ ।”

उदाहरणीय घरबेटी, ३ महिना कोठाको भाडा नलिने घोषणा