हामी सबैकाे संसारन्यूज

८ चैत, फ्रान्स । गैरआवासीय नेपाली संघ राष्ट्रिय समन्वय परिषद् (एनआरएनए) फ्रान्सले कोरोना भाइरसको संक्रमण वा कुनै आशंका भएमा तथा आवस्यक सहयोगका लागि एनआरएनए फ्रान्सलाई सम्पर्क गर्न अनुरोध गरेको छ ।

परिषदले फ्रान्समा कोरोना भाइरसको जोखिम बढ्दै गएको तथा फ्रान्स सरकारले दिएको समय अवधिसम्म घरभित्रै रहन र अति आवस्यक कामबाहेक बाहिर नजान समेत अनुरोध गर्दै परिषद्ले आवस्यक सहयोगका लागि हेल्थ डेस्क गठन गरेको समेत जानकारी दिएको छ ।

परिषद्का अध्यक्ष नरेन्द्र शाही ठकुरी र महासचिव मिन श्रेष्ठद्धारा एक विज्ञप्ति जारी गर्दै फ्रान्समा रहेका कुनैपनि नेपालीलाई कोरोना भाइरसको संक्रमण वा आशंका तथा अन्य कुनै संकेत वा समस्या देखिएमा आवस्यक सहयोग जस्तै एम्बुलेन्स, हस्पिटल वा सम्बन्धीत निकायमा खबर गर्ने, प्रारम्भिक जानकारी दिने जस्ता कामहरुमा मद्दत पुर्याउन निम्न बमोजिम रहेको सहयोग समन्वय (हेल्प डेस्क) समिति गठन गरेको जानकारी गराएको छ ।

सम्पर्कका लागि अध्यक्ष नरेन्द्र शाही ००३३६२०४२९८००, महासचिव मिन बहादुर श्रेष्ठ ००३३६२८०४४७९०, पूर्वअध्यक्ष एक बहादुर मल्ललाई ००३३६५१९०८५७३ र लियोनमा ज्ञान बहादुर गुरुङ ००३३६२१९२८८७२ र गणेश श्रेष्ठ ००३३६४८१७०२५० मा सम्पर्क गर्न अनुरोध गरिएको छ ।

अन्तराष्ट्रिय संचारमाध्यमका अनुसार फ्रान्समा अहिलेसम्म ४५० जनाको मृत्यु भइसकेको र १२ हजार ६१२ जनामा भाइरस संक्रमण भएको पाइएको छ ।