हामी सबैकाे संसारन्यूज

७ चैत, बेलायत । बेलायतमा एक नेपालीको कोरोना भाइरस संक्रमण कारण मृत्यु भएको बताइएको छ । बेलायतबाट संचालित अनलाइन वीनेपालीले संखुवासभा खाँदबारी नगरपालिका १० घर भइ लन्डनको साउथ ह्यारोमा बस्दै आएका लीला बहादुर राईको मंगलबार मृत्यु भएको बताइएको छ ।

६५ वर्षीय राई पूर्वगोर्खा सैनिक रहेको तथा उनको लन्डनस्थित नर्थवीक पार्क अस्पतालमा उनको मत्यु भएको बताइएको छ ।
मंगलबार अपरान्ह ४ बजेतिर उनको स्वास्थ्यमा समस्या देखापरेपछि उनलाई अस्पताल पुयार्एको र सोहि साँझ उनको मृत्यु भएको बताइएको छ ।

उनको मृत्यु भएको तीनदिनपछि अस्पतालले परिवारलाई सम्पर्क गरेर उनको निधन कोरोना भाइरसका कारण भएको जानकारी दिएको पनि बताइएको छ ।

राईको मृत्यु भएपछि उनको परिवारलाई पनि अनुसन्धानका लागि अस्पतालमा राखेको पनि वी नेपालीले जनाएको छ ।