Sansar News
९ चैत, कैलाली । सुदूरपश्चिम प्रदेशका उद्योग, पर्यटन वन तथा वातावरण मन्त्री माया भट्टले आफ्नै मन्त्रालयका सचिवलाई ज्यान मार्न धम्कि दिएकी छन् ।
मन्त्री भट्टले आफूले भने अनुसार काम नगरेको भन्दै सचिव दीपक कुमार खराललाई ज्यानमार्ने धम्कि दिएको आइतबारको नागरिक दैनिकमा समाचार छ । आफू असुरक्षित भएको भन्दै सचिव खरालले सुरक्षाको माग गर्दै प्रदेश निमित्त सचिव किशोर चौधरीलाई निवेदन दिएका छन् ।
मन्त्री भट्टले हरेक निर्णय नितीनियम मिचेर गर्ने गरेको सचिव खरालले दावी गरेका छन् । आफूले गलत काम नगर्ने भन्दा मन्त्री भट्टले कार्यकक्षमै बोलाएरै दुव्र्यवहार र ज्यान मार्ने धम्की दिएको उनको भनाई छ ।
‘मलाई मन्त्रीज्यूले कार्यकक्षमा बोलाएर आफूले भनेको काम किन नगरेको भन्दै दुव्र्यवहार गर्नु भयो,’ उनले भने, ‘ त्यसपछि औला ठड्याएरै जुनसुकै बेला जे पनि हुन सक्छ भन्दै धम्क्याउनु भयो ।’
वि.सं.२०७६ चैत ९ आइतवार ०९:३७ मा प्रकाशित
