हामी सबैकाे संसारन्यूज

११ चैत, पोखरा । विश्व कोरोना भाइरसको संक्रमणमा फसेको छ, यहि मौका छोपेर केही व्यक्ति भने धर्मको नाममा फाइदा उठाउन खोजिरहेछन् ।

धर्मका नाममा भ्रम फैलाउन खोज्ने यस्तै एक पास्चर पक्राउ परेका छन् । यशुका अनुयायी बने कोरोना भाइरसले छुँदैन भन्दै भ्रम फैलाउने एक पास्टर पक्राउ पोखरामा पक्राउ परेका छन् ।

जुम्ला घर भइ हाल पोखरा महानगरको वडा नम्बर २९ पावर हाउस बस्दै आएका केशवराज आचार्यलाई प्रहरीले नियन्त्रणमा लिएको हो ।
प्रशस्त कटनी मण्डलीका पास्चर रहेका आचार्यले प्रवचन दिने क्रममा यशुको अनुयायीलाई कोरोना भाइरसले नछुने बताएका थिए ।

आचार्यले क्रिश्चियन धर्म माने कोरोना भाइरसले नछुने भन्दै समाजमा भ्रम फैलाउने काम गरेकाले पक्राउ गरिएको कास्कीका एसपी दानबहादुर कार्कीले जानकारी दिए ।

धर्मका नाममा भ्रम र अफवाह फैलाएको आरोपमा उनीमाथि मुद्दा चलाउने तयारी भइरहेको आचार्यले जानकारी दिए ।