हामी सबैकाे संसारन्यूज

११ चैत, स्पेन । जनसम्पर्क समिति स्पेनले स्पेनमा रहेका नेपालीमा आइपर्ने सबै प्रकारका सहयोग गर्न भन्दै कमिटी गठन गरेको छ ।

स्पेनमा तिब्ररुपमा बढी रहेको कोरोनाको महामारी र त्यसको चपेटामा परेका नेपाली समुदाय तथा व्यवसायीहरुलाई परेको आर्थिक मार, कामदारहरुलाई परेको मकार्मा स्पेन सरकारले गरेका निर्णय र अपनाएका तरिकाहरु, घोषणा गरेका आर्थिक सहायता तथा नियम पालनका बारेमा परामर्श एवं जानकारी दिईने बताएको छ । साथै भर्खर आएका, कामको खोजिमा रहेका तथा वसाई व्ययवस्थित भइनसकेका दाजुभाइ दिदी बहिनीहरुलाई आर्थिक, कानुनी लगायत खान बस्न वा कुनै समस्याबाट गुज्रनु परेको छ भने समितिले तत्परताका साथ खटेर सहयोग गर्ने जनाएको छ ।

समितिका अध्यक्ष इन्द्र प्रसाद शर्माको संयोजकत्वमा गठन गरिएको उक्त कमिटिमा सदस्यहरुमा चिन्तामणि सापकोटा, पुष्प भण्डारी, एकराज गिरी, शालिकराम डुम्रे, अनिल गुरुङ, विष्णु सिजाल, सन्दिप मोहन भट्टराई, उमेश प्रसाद अधिकारी, बिदुर गौतम, रामबाबु सापकोटा, राम प्रसाद सापकोटा ‘विराज’, लक्ष्मण खत्री, पार्वती वली (म्याड्रिड), रामकृष्ण पुडासैनी (म्याड्रिड) दीपेन्द्र अर्याल (बिल्बाओ), भरत न्यौपाने (अलिकान्ते), सन्तोष सापकोटा (भ्यालेन्सिया) रहेका छन् ।