हामी सबैकाे संसारन्यूज

संसारमा अनगिन्ती भाइरस छन्। धेरै जसो भाइरसहरु जनावरबाट मान्छेमा सर्ने गर्छन्। वैग्यानिकका अनुमानका आधारमा, २५ परिवारका पन्ध्र लाख भन्दा बढी भाइइरस छन्। ती मध्य हालसम्म करिब २६० जति भाइरस मात्र पहिचान भएको छ। अर्थात् ९९.९% भाइरसहरु अझै देखिएका वा चिनिएका छैनन् (ल्यांसेट-२०१९)।

कतिपय अवस्थामा बंशानुगत परिवर्तनबाट वा स्पिल ओभर भएर पनि यी भाइरस मान्छेमा सर्छन्। जबसम्म मान्छेमा भाइरस संक्रमणले कुनै रोग देखाउँदैन, यी भाइरसहरु देखिएका हुँदैनन्। कुनै भाइरसले सानो संक्रमण हुन्छ भने कहिलेकाहीं कोभिड-१९ जस्तो ठूलै महामारी पनि हुनसक्छ।

यी अनगिन्ती भाइरसहरु मध्य नगन्य प्रतिशतको मात्र पहिचान भएको छ, त्यसकारण कहिले कुन नयाँ भाइरसले नयाँ रोग निकाल्छ, केही थाहा हुँदैन। हरेक नयाँ भाइरसको आआफ्नै गुण हुने हुनाले चिन्न बुझ्न तथा त्यसको रोकथाम, उपचार र नियन्त्रणका उपाय पत्ता लगाउन पनि समय लाग्छ। तर, व्यक्तिगत ब्यबहार अनि सामान्य सरसफाइका नियमहरु अर्थात ‘चोखोपन’का प्रकृयाहरुको पालना गर्ने हो भने धेरै प्रकारका विशाणु/ जिवाणुबाट बच्न सकिन्छ।

अहिलेलाई भने केवल कोभिड-१९ को चिन्ता गरौं। घर बाहिर ननिस्कौं। तपाइँको एउटा सानो गलती वा लापरबाहीले तपाइँ आँफु, परिवार वा देशलाई नै संकटमा पार्न सक्छ । सबै नागरिक संबेदनशील भयौ र देशले यो लडाई जित्यो भने (जित्नै पर्छ !) यो पाठले हामीलाई यस्ता धेरै भाइरस संग लड्न र जित्न सिकाउने छ/ समर्थ बनाउनेछ ।”