हामी सबैकाे संसारन्यूज

गैरअवासीय नेपाली संघ राष्ट्रिय समन्यव परिषद् (एनआरएनए) जर्मनीका निर्वतमान अध्यक्ष विजय मोक्तानले कोरोनाको संक्रमण नलुकाउन अपिल गरेका छन् ।

संसारभरीका मानिसहरु कोरोना भाइरसको चपेटामा परेको र त्यसको प्रभाव जर्मनीका नेपालीमा पनि परेको बताउँदै ज-जसलाई कोरोना भाइरस संक्रमण भएको हो ती व्यक्तिले खुला रुपमा आफू संक्रमित भएको जानकारी दिएमा अरु संक्रमित हुनबाट बच्न सक्ने बताएका छन् ।
सबैलाई अपिल गर्दै मोक्तानले भनेका छन् ।
आदरणिय जर्मनी निवासी नेपाली दाजुभाइ तथा दिदीबहिनीहरु सबैमा नमस्कार,

कोरोना नामका भाइरसले २०२० मा तेस्रो विश्वयुद्ध भन्दा पनि ठूलो त्रास र आतंक मच्चाईदिएको छ । विश्वको अर्थतन्त्रदेखी ठुलो रुपमा मानबिय क्षति समेत गर्दै आएको छ । यसबाट मृत्यु हुने क्रम दिनानु दिन बढ्दो छ । यो रोग एसियाबाट आएता पनि यसको बड्दो चाप भने युरोपमा देखिएको छ । इटलिमा बिशेष गरी धेरैको ज्यान गएको देखिएता पनि यसले आक्रामक रुप लिँदै अन्य युरोपियन राष्ट्रहरुलाई ग्रसित गर्ने क्रममा हाल आएर जर्मनीमा कम समयमा नै यो सबै राज्यमा फैलिसकेको छ भने धेरैको कोरोना भाइरसले ज्यान लिसकेको छ । भलै विश्वयुद्ध भएको खण्डमा सम्बन्धित राष्ट्रहरु मात्रै युद्धमा होमिन्थे होला र स–साना राष्ट्रहरुलाई त्यस्तो असर पर्दैन थियो होला । तर यस भाईरसबाट भने मै हुँ भन्ने शक्तीसाली राष्ट्रहरु पनि चोखिन सकिएनन् । रोग र मृत्युको अगाडि कसैको केही नलाग्ने यस भाईरसले सिद्ध गरिदिएको छ । तर, पनि अचम्म के छ भने बालबालिका र गर्भवती महिलाहरुमा बुढा बुढी र इम्युन सिस्टम कमजोर भएकाहरुमा भन्दा सर्न ढिलो हुने भनेर जर्मनी राष्ट्रियस्तरको टेलिभिजनमा प्रसारण गरिएको थियो ।

रोग लागेपछि आफ्नै श्रीमानश्रीमती आमा बुवा र छोराछोरीबाट टाढिनु पर्ने कस्तो रोग हो रोगिलाई अङालो हाल्न समेत नसक्ने कस्तो रोग हो यो ? सबैले यसलाई ख्याल ठट्टमा नउडाउनु होला । सिरियसली लिएर आफ्नो शरीर स्वास्थ्यको ख्याल राख्नु होला यसबाट बच्ने भनेकै अनुशासित भएर हाल डाक्टरहरु र सरकारले घोषणा गरेका नियम को पलान गर्नु हो ।

हामीले यस संकटकालिन अवस्थामा हांसी मजाक अनावश्यक कुराहरुको पछाडि नलाग्न म सबैलाई अनुरोध गर्दछु ।
हाल राइन् लाण्ड RLF मा एक नेपालीलाईCOVID-19 Corona भन्ने सुनियो यदी यो सत्य हो भने उहाँको परिवारको शिघ्र स्वास्थ्यलाभको कामना गर्दछु । र यस समय तपाईं हामी सबैले सहानुभुती बाहेक केही दिन सक्दैनौ । उहाँलाइ पोजेटिभ भनेर कसले प्रमाण गरेको हो ? यदी पोजेटिभ हो भने जर्मनी सरकारले कहिले पनि खुल्ला छोड्दैन । ऊहाँलाइ सम्बन्धित उपचार कक्षमा लगिन्थ्यो होला । यदी पोजेटिभ भएकोसँग मात्रै संपर्क भएको भए कुअरन्तिने मा बस्न सुझाउथ्यो होला । उहाँले आफू पोजेटिभ भएको केही प्रमाण दिन सक्नु हुन्छ ? यदी ऊहाँलाइ पोजेटिभ नै भएको भए जर्मनी सरकारले सुरक्षित गर्ने छ यसमा कुनै दुई मत छैन । कोरोनाबाट त तपाईं हामी सबै प्रभाबित भैसकेकाछौ ।
सबैको दिन चर्या ठप्प भएको अवस्था छ । केबल रोग नै लागेर रोगी भएर बेडमा मात्रै सुतेका छैनौ । अत हामीले अहिलेको अवस्थामा हेर्ने भनेको विद्यार्थी भाई बहिनिहरुलाई र अबैद्यरुपमा बसोबास गर्दै आएका ( ओभरस्टे) बिशेष गरी अन्य युरोप राष्ट्रहरुबाट १–२ बर्षको भिसा लिएर जर्मनीमा काम गर्दै आएकाहरुलाई हेर्ने हुन यहाँ permanent resident (PR)हुनेहरुलाई जर्मनी सरकारले सुरक्षित गर्ने छन् । अत हाललाई हामीले सबैलाई साबधानी गराउने र सुरक्षित रहन सघाउने हुन बस्नका लागे जर्मनी सरकारले ३ महिना सम्मको घर भाडा पछि दिएपनि हुने भन्ने घोषणा गरी सकेको अवस्थामा हामीले उहाँहरुलाई खान पिनको लागि आवश्यक सर सामान उपलब्ध गराउन आर्थिक सहयोग गर्ने हो ।
र यदी कसैलाई यो रोग भाइरस भएको खण्ड मा गोप्य राख्ने होइन तपाईं हामीहरुले अरु सबैको सुरक्षाको लागि पनि सार्वजनिक गरिदिनु पर्ने जस्तो मलाई लाग्दछ । गोप्य राखेर सहयोगको आव्हान पनि गर्न सकिन्न । अनी यो कुनै एक ब्यक्तिलाई हुने रोग होइन यसलाई लुकाउनु पर्ने । यो रोग Germany Chanclleor Dr. Angela Merkel जस्ताले आफु positive भएकासँग नजिक भएको खुलासा गरेर Quarantine मा बसेको कुरा नेशनल टिभीमा फुक्ने अन्य कयौ यसै रोगबाट मृत्यु हुने र ग्रसित भए भनेर सार्वजनिक गरेको अवस्थामा हामीले चाँही लुकाएर झन अरुलाई सार्ने खालको कुरा नगराउ । यदी मलाई यस भाईरसले आक्रमण गरेमा म सार्वजनिक गरी अरुलाई मबाट टाढा राख्छु । र त्यसै संकाको भरमा भन्ने होइन मेडिकल रिपोर्ट साथ आउनु पर्यो । यस बाट कसैलाई असर परेमा क्षमापार्थी छु । धन्यवाद ।

बिजय मोक्तान

निबर्तमान अध्यक्ष

गैरआवासिय नेपाली संघ जर्मनी