हामी सबैकाे संसारन्यूज

ए घाती पर जा नआ वर ल भन् के लान आइस् यहाँ
ए पापी तँ अजिङ्गरै सरि ल भन् के खान धाइस् यहाँ
हामी बाँच्न नपाउने किन यहाँ तेरो छ केको हक
हाँसी नाच्न नपाउने किन यहाँ हाम्रो छ पूरा हक

बाँच्छौँ शुद्ध सफा बनेर सजिलै फोहोर छैनन् कतै
खान्छौँ साबुनले सफा गरिगरी यी हात खाना सबै
शिष्टाचार गरी सबै जनहरू झुक्छौँ नमस्कारमा
हाम्रो यो अनुशासनै छ बलियो उठ्छौँ सुसंस्कारमा

प्यारो राष्ट्र छ स्वस्थ विश्वभरमा नेपाल पस्छस् किन
राम्रो वास पवित्र उच्च धरती बेकार फँस्छस् किन
भागी जा सरुवा चियाउन नखोज् ढोका सबै बन्द छन्
पाजी जा भतुवा गिज्याउन नखोज् नाका सबै ठप्प छन्  ।