हामी सबैकाे संसारन्यूज

लण्डन । योमरी पुन्हीको अबसरमा बेलायतमा योमरी कम्पीटिशन २०१६ भएको छ ।
नेवारसमुदायहरुको पहिचान र परम्पराको प्रतिक बनेको योमरी पुन्हीको अवसमा डिसेम्बर १७ का दिन लण्डनको लोटस क्लवमा भव्य तथा सभ्य रुपमा सांस्कृतिक कार्यक्रम सहित योमरी कम्पिटिसन २०१६ सम्पन्न गरिएको हो ।

पासाः पुच गुठी साउथ इष्ट लण्डनको आयोजनामा भएको उक्त योमरी कम्पिटिसन २०१६ को च्याम्पियनसीप गायत्री श्रेष्ठ र सुवास्ना शाक्यको टीम बनेका छन् । श्रेष्ठ र शाक्यले पासाःपुच गुठी साउथ इष्ट लण्डन युकेको टीमवाट प्रतिनिधित्व गरेका थिए । साथै रनर योमरी च्याम्पियनसीप २०१६ पासा पुच गुठी रिडिङ्ग युके टीमवाट रञ्जना श्रेष्ठ र रजनी श्रेष्ठ बनेका छन् ।

त्यस्तै योमरी कम्पिटिसनै अबसरमा सांस्कृतिक कार्यक्रम पनि भएको सम्पन्न भएको छ । सांस्कृतिक कार्यक्रममा नेपालको मौलिक भैरब नाचको अलावा विनोद चिपालुले आकर्षक लाखे नाच प्रस्तुत गरेका थिए ।

बेलायतका लागि नेपाली राजदूत डा.दुर्गावहादुर सुवेदी र फस्ट नेपाली लेडी पूनम सुवेदीको प्रमुख आतिथ्यता तथा पासा पुच गुठी साउथ इष्ट लण्डन युकेका अध्यक्ष सुशील प्रजापतिको सभापतित्वमा संपन्न भएको उक्त कार्यक्रममा बरिष्ठ कवि एवंम लेखक कविताराम श्रेष्ठलाई दोसल्ला ओढाएर सम्मान गरिएको थियो ।