हामी सबैकाे संसारन्यूज

म पोल्यान्डमा बस्न लागेको १३ बर्ष भयो । पोल्यान्ड २०१० मा ठूलो शोकमा डुब्यो । पोलयाण्डका राष्ट्रपतिसहित देशको उच्च पदाधिकारीहरुको रसियामा प्लेन दुर्घटनामा भयो । तर पनि पोल्यान्डमा कहिल्यै बाटो बन्द भएन । पसल बन्द भएन । सबै जनता आ–आफ्नो तरिकाले काम गरिरहे । शोकमा डुबेको बेलामा पनि जनताहरुले कुनै दुःख पाएनन् । तर अहिले पोल्यान्ड पनि कोरोना दःुख भोगिरहेको छ । यद्यपि अरु युरोपियन देशको तुलनामा केही कम प्रकोप छ ।तर बढिरहेको छ, कति सम्म पिक अपमा पुगेर यो कोरोना झर्ने हो त्यो बारे स्पष्ट खाका बनाउन सकिरहेको छैन पोल्याण्ड सरकार । एक किसिमको मनोवैज्ञानिक अन्योल बढ्दै छ । त्समा पनि अझै आप्रवासीहरुको आफ्नै समस्या र पीडा थपिदैछ । नेपाल सरकारको अति संकीर्ण सोचको कारणले सय–दुई सय युरो नेपालबाट मगाएर भएपनि खानाको जोहो गर्न केही व्यक्तिहरूलाई अप्ठ्यारो पनि भएकै छ । तर, ती व्यक्तिहरू खुलेर अप्ठ्यारो भएको समस्या भएको भन्न सक्दैनन् त्यसका कारणहरु कागजी समस्या देखि हाम्रो सामाजिक मनोविज्ञान पनि हुन् ।

पोल्यान्ड सरकारले आफ्नो तवरबाट कोरोना बिरुद्ध हर सम्भव उपायले लड्न प्रयास गरिरहेको छ आशा गरौ एक दिन पोल्यान्ड कोरोना मुक्त हुनेछ । तर, अहिले अब फरक छ पहिलो कर्तब्य पोल्यान्डले आफ्नो देशको नागरिकलाई कसरी रोजगारको सुनिश्चितता गर्ने भनेर लागिरहेको छ । आज सम्म पोल्याण्डमा कोरोना संक्रमण ३८ सय ३४ जनामा पुगिसकेको सरकारी तथ्यांक रहेको छ यद्यपि बढी समुदायलाई भेटेको हुन सक्ने कुरा पनि बाहिर आएका छन् ।

यतिबेला बिदेशीहरुलाई हेर्ने नजरमा सरकारी नीति त्यति भेदभाव त छैन तर जनस्तरमा भने कहि कहि बिदेशी समुदायसित आतंकित हुनुपरेको छिटफुट खबर समेत सुन्नु परेको छ । पोल्यान्डमा नेपालीहरु आधिकारिक डाटा नभए पनि झन्डै ४ देखि ५ हजार जति भएको अनुमान गर्न सकिन्छ । पोल्यान्डमा २०१५ –२०१७ मा युरोपेली मुलुकबाट कागज बन्छ भनेर झन्डै १० हजार नेपाली भित्रिएका थिए र पछि पोल्यान्ड सरकारले कागजी प्रक्रियामा कडाइ गरेपछि त्यो समुदाय ह्वात्तै घटेको थियो । पोल्यान्डको कागजात लिएर बाध्यताले पोल्यान्ड आएको ऋण तिर्न नसकेर विभिन्न देशमा गएर अवैधानिकरुपमा काम गर्ने नेपालीहरु पनि सयौ छन् । तर पछिल्लो दिनमा पोल्यान्डमा राम्रोसँग काम गर्नेहरुले ठिकै आम्दानी गर्दै आइरहेका थिए ।

पोल्यान्डमा हजारौ नेपालीहरु छन्
यद्यपि एनआरएनए पोल्यान्डको सदस्य लिएका संख्या ३०० को हाराहारीमा छन् । पोल्यान्डमा संघ संस्थाहरुमा आधिकारिक दर्ता भएको संस्था एनआरएनए हो भने विभिन्न संस्थासँग अफिलियट लिएको संस्थाहरु प्रबासी नेपाली एकता मन्च पोल्यान्ड, जनसम्पर्क समिती पोल्यान्ड, इनास पोल्यान्ड र भर्खरै अफिलिअट लिएको साझा सदभाव समूह र हामी नेपाली रहेका छन् ।

आफ्नो समुदायमा केही गर्ने उद्देश्यले स्थापित गुल्मी समाज पोल्यान्ड पनि छ । त्यसो त खेलाडिहरुको खेलको लागि ब्रदरहुड पोल्यान्डले पनि समय समयमा खेललाई बिकास गर्न बिशेष भूमिका निर्वाह गर्दैै आएको छ । बन्धु ग्रुपले पनि केही सास्कृतिक कार्यक्रम गरेको थियो शेर्पा समाज केही कार्यक्रम गरेको थियो । यद्यपि यो लेखकलाई अरु जानकारी नभएको हुन पनि सक्छ अन्य विभिन्न समुदायले विभिन्न किसिमले कसरी हुन्छ आफ्नो समाज अगाडि बढाउने सोच लिएर सक्रिय भए सबैको आ–आफ्नो भूमिका अहम रहेकै छन् ।

पोल्यान्डमा एक दुई कार्यक्रम गरे पनि बिबिध कारणले पत्रकार महासंघ निष्कृय जस्तै छ र कसैको अफिलियट छैन । तर, पनि यो समिति सक्रिय हुनुपर्छ साथै व्यवसायी समिती पोल्यान्ड पनि सकृय हुन सकेको छैन । सायद आ–आफ्नै विविध समस्याहरु भएर पनि होलान् । तैपनि पोल्यान्डमा नेपाली समुदाय एकत्रित भएर आफ्नो आवाज बुलन्द पार्नुपर्छ भन्ने जुन परिकल्पना हो ती संघसंस्था स्वतन्त्र नागरिक सबैको ती परिकल्पनालाई साधुवाद छ ।

पोल्यान्डमा अनलाइन मिडिया पोल्यान्ड नेपाल डटकम २०१० देखि र २०१७ मा फेसबुक पेज मार्फत लगायत अरु अनलाइन मेरो माटो हुँदै पछि पोल्यान्ड नेपाल डोमेन किनेर विभिन्न व्यक्तिहरुको विचार राखेको छ । पि एन टिभिले युट्युब च्यानल मार्फत समय समयमा जानकारी दिएको छ ।

त्यसो त विभिन्न फेसबुक ग्रुपहरुले पनि जानकारी प्रवाह गर्न बिशेष भुमिका खेलेका छन् । पोल्यान्ड खबर, सत्य खबर, नेपालीज इन पोल्यान्ड नेपलीज स्टुडेन्ट इन पोल्यान्ड, हरियाली मन्च पोल्यान्ड, नेपाली सोसाइटी इन पोल्यान्ड तथा हामी सबै नेपालीहरुका विभिन्न सामाजिक ग्रुपहरु सक्रिय रहेका छन् ।

पोल्यान्डमा राजदूतावास छैन । पोल्यान्डलाई जर्मनी दूतावास बर्लिनले हेरिरहेको छ । पोल्यान्ड बस्ने नेपालीहरुको समस्या यस्तै तरिकाले बन्द भैरह्यो भने अवश्य बढ्ने देखिन्छ । ती समस्याहरु कानुनी÷गैरकानुनी रुपमा बसेका सबैलाई अप्ठ्यारो पार्ने अवस्था हुनेछ । कोरोना स्वास्थ्य उपचारमा जुनसुकै राष्ट्रका नागरिक भए पनि पोल्याण्ड सरकारले निशुल्क गरिदिने नीति लिएको छ । यो समयमा भिसा सकिएकाहरुको लागि पोल्यान्ड सरकारले एक महिना थप गरेको छ ।

यतिबेला पसलहरु एकदमै न्यून र अत्यावश्यक सामानहरु किन्नको लागि छोटो समयका लागि खोलिएको पाइन्छ । मास्क र अरु सेनिटाइजर पहिले जस्तो सहज रूपमा नपाइए पनि अरु दैनिक खाद्यान्न वस्तुहरुको मूल्य वृद्धि खासै छैन । यद्यपि युरोको भाउ एकाएक बढेकोले विभिन्न उपभोग्य वस्तुहरुको मूल्यमा समायोजन गर्न सरकार बाध्य भैरहेको छ । अहिलेको समयमा हरेक नेपालीहरु भेटघाट गर्ने समय नभएकोले अनलाइनको माध्यमबाट विभिन्न संघ संस्था नागरिकहरुले जानकारी लिने प्रयास गरिरहेका छन् ।

कोभिड १९ ले होटेल रेस्टुरेन्ट व्यवसाय चौपट्टै पारेको छ । जसले गर्दा सयौको रोजगार गुम्ने खतरा अत्यन्त छ । यद्यपि केही कम्पनीहरुले रोजगारको सवालमा चिन्ता नगर्न आश्वासन पनि दिएका छन् त्यो आश्वासन भबिष्यले जनाउनेछ नै । कोभिडले पोल्यान्डमा बिद्यार्थी र कागजको पर्खाइमा रहेका सयौ नेपालीहरुलाई पनि धेरै असर पार्नेछ ।

अहिले केवल सतर्क हुनु सिवाय अन्य विकल्प हामिमा केही पनि छैन । बिश्वब्यापी समस्या भएकोले सबै एक किसिमको अन्योलमा छन् कोभिड कोरोना समयपछिको भविष्य हाम्रो के हुने भनेर ।