वि.सं.२०८२ फागुन २१ बिहीवार

हामी सबैकाे संसारन्यूज

कोरोनाको विश्वव्यापी मानसिक असर, यसरी गर्न सकिन्छ तनाव व्यवस्थापन

Sansar News

वि.सं.२०७६ चैत २४ सोमवार

कोरोनाको विश्वव्यापी मानसिक असर, यसरी गर्न सकिन्छ तनाव व्यवस्थापन

विश्वब्यापी महामारी बनेको कोरोना संक्रमणले गर्दा १२ लाख व्यक्ति प्रतक्ष्य प्रभावित भएका छन् भने करोडौं व्यक्तिहरु डर र त्रासमा आफुलाई कमजोर बनाइरहेका छन् । प्रतक्ष्य प्रभावित, उनीहरुको परिवार, आफन्त, नजिकका साथी प्रभावित हुनुलाई स्वाभाविक मान्न सकिन्छ । त्यस्तै फ्रन्ट लाइनमा काम गर्ने स्वास्थ्यकर्मी, खाद्य वितरक एबम उनीहरुका परिवार चिन्तित हुनु पनि स्वाभाविक हो । तर विश्वको एउटा कुनामा फैलिएको रोगबारे अर्को कुनामा चिन्ता तनाब हुनु भनेको यसको विश्वव्यापी मानसिक असर हो ।
दैनिक बढ्दो गतिमा उकालो लागिरहेको संक्रमित तथा मृतकको संख्याको कारण यस्ता समस्या देखिएका छन् ।

– तातो हुनु, ज्वरो आएजस्तो लाग्नु तर तापक्रम नाप्दा नर्मल देखिनु ।

-घाँटीमा खसखस हुनु, केहि अड्किएको अनुभव हुनु ।

– शरीर झम्झनाउनु, केहि हिंडेजस्तो लाग्नु ।

– कोरोना संक्रमणमा लक्षण मिलेजस्तो लाग्नु ।

– रिंगटा लाग्नु, थकाइ लाग्नु तथा कमजोर महशुष हुनु ।

यी लक्षणबाट सुरु भएको समस्या आफै नियन्त्रण गर्न सकिन्छ । यो सामान्य अवस्था हो । यो समस्या ब्यबस्थापन गर्न नसके तलका समस्याहरु देखिन्छन् ।

-आफु र आफन्तको स्वास्थ्य बारे चिन्ता लाग्नु ।

-निद्रा धेरै लाग्नु वा लाग्दै नलाग्नु ।

– निदाउन वा एकाग्रता हुन गाह्रो हुनु ।

– आफ्नो स्वास्थ्य खराब भएको महशुष गर्नु ।

-रक्सी, चुरोट, सुर्ती लगायतको प्रयोग अधिक हुनु ।

-शारीरिक लक्षण ( थाकेको, बिरामी भएको जस्तो) र मानसिक लक्षण (डर, परिवार र समाजबाट अलग हुने, गिल्टी अनुभव हुने ) ।