Sansar News
२४ चैत, युएई । कोरोना भाइरस संक्रमणका कारण युएईको दुबईमा एक नेपाली महिलाको मृत्यु भएको छ ।
रुपन्देही देबदह ६ की ४० वर्षीया बिनु पराजुलीको गत शुक्रबार ( अप्रिल ३) कोरोना भाइरस संक्रमणका कारण मृत्यु भएको पुष्टि भएको हो ।
। पहिलेदेखि मुटुको समस्या रहेकी उनलाई मालिकले मृत अवस्थामा फेला पारेका थिए ।
युएईमा १० वर्षदेखि कार्यरत पराजुली बिहिबार पेट दुख्यो भनेर आत्तिएको र शुक्रबार बिहान अवेरसम्म नउठेपछि मालिकले उनी सुत्ने कोठाको ढोका फोरेर हेर्दा उनी मृत भेटिएको बताईएको छ ।
उनको मृत्यु कोरोना पोजेटिभका कारण भएको दुबईस्थित अल रफ्फा प्रहरी चौकीले अरवि भाषामा जानकारी दिएको छ ।
युएईमा हालसम्म ११ नेपालीमा कोरोना संक्रमण भएको पुष्टि भएको छ । जसमा २ जना निको भएर फर्किएका छन् भने अरु ९ जना उपचाररत रहेको बताइएको छ । साथै प्रवासमा कोरोना संक्रमणबाट मृत्यु हुने पहिलो नेपाली महिला पराजुली हुन् ।
वि.सं.२०७६ चैत २४ सोमवार २०:३४ मा प्रकाशित
