हामी सबैकाे संसारन्यूज

२५ चैत, जर्मनी । नेपाली दूतावास जर्मनीले विश्वव्यापी कोरोना भाइरस संक्रमणको बर्तमान स्थितिमा सजग संयम र एकआपसमा सहयोग भावना सहित संयम भएर स्थानीय कानुनी प्रावधानको पूर्ण पालना गर्न अनुरोध गरेको छ ।

जर्मनी लगायत नियोग सहप्रमाणित भएका देशहरु पोल्याण्ड, चेक गणतन्त्र, रोमानिया, हंगेरी, युक्रेन, स्लोभाक गणतन्त्र, बुल्गेरिया, सर्विया, होली, सी (भ्याटिकन सिटी) गरी १० मुलुकहरुमा विभिन्न पेशा र रोजगार व्यवसाय, अध्ययन तथा अध्यापन आदि क्रियाकलापमा संलग्न रहेर बसोबास गरिरहेका नेपालीहरुलाई थप सजग तथा सुरक्षित रहन अनुरोध गरेको छ ।

त्यस्तै दूतावासको तोकिएको इमेलberlin@nepalembassy.de फोन नम्बर ००४९–३०–३४३५९९२०, मा सार्वजनिक विदा बाहेक अन्य दिन (बिहान १० देखि १२ बजेसम्म) तथा फेसबुक Embassy of Nepal, Berlin  को मेसेन्जरमा समेत आफ्ना कठिनाई, जिज्ञासा वा समस्याहरुमा सम्पर्क विवरणसहित सम्प्रेषण गर्न सक्ने पनि दूतावासले जनाएको छ ।

त्यस्तै दूतावासले विभिन्न देशमा रहेर समस्यामा परेकाहरुले नेपाली समुदायका व्यक्तित्वहरुसँग सम्पर्क गर्न भन्दै सम्पर्क नम्बर पनि दिएको छ ।