हामी सबैकाे संसारन्यूज

२७ चैत, काठमाण्डौं । कोरोना भाइरस (कोभिड १९) को संक्रमणपछि गरिएको लकडाउनका कारण प्रभावित असंगठित क्षेत्रमा कार्यरत श्रमिक, मजदुर, र असहाय गरी १ लाख ६१ हजार ७६५ घर परिवारले राहत सामग्री लिएका छन् । स्थानीय सरकारबाट राहत उपलब्ध गराउने सरकारी योजना अनुसार ती व्यक्तिहरुलाई राहत प्याकेज दिइएको हो ।

स्थानीयतमार्फत् असंगठित क्षेत्रमा कार्यरत व्यक्तिका लागि राहत सामाग्री वितरण गरिएको हो ।

जसमा काठमाण्डौं महानगरपालिकाले ३० हजार, शंखरापुर १ हजार ५७१, कागेश्वरी मनहरा ९ हजार, गोकर्णेश्वर १० हजार ५ सय, तारकेश्वर ६ हजार ५७, टोखा ११ हजार ६०७, बुढानिलकण्ठ १० हजार १००, नार्गाजुन १ हजार २७२, चन्द्रागिरी १० हजार २८३, कीर्तिपुर ४ हजार ६८, दक्षिणकाली १ हजार ४५५, ललितपुर महानगरपालिका १८ हजार १२४, महालक्ष्मी १२ हजार, गोदावरी ८ हजार ८००, भक्तपुर २ हजार ५००, मध्यपुर थिमी ६ हजार ५ं००, सुर्यविनायक ५ हजार ६२८ र चाँगुनारायण नगरपालिकाले १२ हजार ३ सय जनालाई राहत वितरण गरेको तथ्यांक सार्वजनिक भएको छ । विहिबारको गोरखापत्र दैनिकबाट