हामी सबैकाे संसारन्यूज

२७ चैत, अमेरिका । अमेरिकामा रहेका एक नेपालीको कोरोना संक्रमणका कारण मृत्यु भएको छ ।
न्युर्योकको क्विन्सस्थित एलमस्र्ट अस्पतालको भेन्टिलेटरमा राखेर उपचार गराइरहेका ङिमा तेम्बा शेर्पाको बुधबार विहान (चैत २६, अप्रिल ८) मा मृत्यु भएको हो ।

शेर्पा किदुगका आजीवन सदस्य समेत रहेका शेर्पाको बुधबार बिहान पाँच बजेर अठार मिनेट जाँदा क्वीन्सको एल्मस्र्ट अस्पतालमा निधन भएको शेर्पा किदुंगका अध्यक्ष उर्गेन शेर्पाले जानकारी दिएका छन् । उनको एकसाता देखि अस्पतालको भेन्टिलेटरमा राखेर उपचार भइरहेको थियो ।

शेर्पा किदुगले आफ्नो फेसवुक पेजमा समेत उनको निधन भएको उल्लेख गर्दै हार्दिक श्रद्धाञ्जली व्यक्त गरेको छ ।

स्वर्गीय शेर्पाको दुइ दिन अघिनै निधन भएको खवरहरु सार्वजनिक भएका थिए तर पछि पुन: उनको मुटु सञ्चालन  भएको बताइएको थियो ।