हामी सबैकाे संसारन्यूज

२७ चैत, काठमाण्डौं । पाटन उच्च अदालतका न्यायाधिश टेक नारायण कुँवरले कोरोना भाइरस (कोभिड-१९) ले संसारभरी ल्याएको सकारात्मक तथा नकरात्मक परिवर्तनका बारेमा बताएका छन् ।

न्यायाधिश कुँवरले कोरोनाका कारण मानब जीवन तथा अन्य क्षेत्रमा ल्याएको १० सकारात्मक तथा १० नकरात्मक परिवर्तन यस्तो रहेको छ ।
सकारात्मक परिवर्तनः
१. मानव मात्रलाई जीवनको मूल्य र बाँच्न पाउने अधिकारको वास्तविक महत्वबोध हुनु

२ -विश्वभरी नै वातावरण प्रदूषणमा उल्लेख्य सुधार आउनु

३ -मानव जगतमा पारिवारिक मिलनको महत्व बुझाउनु

४- मानव जीवनको सार्थकताबारे तत्वज्ञानको बोध हुनु

५ -मानव जगतलाई इर्ष्या, रिस, लोभ, मोह, घमण्ड त्याग्नका लागि उत्प्रेरणा मिल्नु

६ -समानता, सहयोग, बन्धुत्व, प्रेम, मानव कल्याणको महत्वबोध हुनु

७ -कथित सान, मान, अहंकार, पद, प्रतिष्ठा, धन र भ्रष्टताको मूल्य कति रहेछ भन्ने तत्वज्ञान प्राप्त हुनु

८- पृथ्वीका सबै अवोध प्राणीहरुको कल्याणको आवश्यकताबोध हुनु

९ -सुखी जीवनका लागि सम्हाल्नै नसकिने अत्याधुनिकता एक्लै नहिंडि असल एवम संस्कारी अध्यात्मको संयोजनबाट अघि बढ्नुपर्ने आवश्यकता बोध हुनु

१० -हातहतियारको होडबाजी र नरसंहारकारी युद्दका विभिषिकाहरु मच्चाउनेहरुको मानव चेतमा परिवर्तन आउने संभावनाका ढोकाहरु खुलेको अवस्थामा विश्वमानचित्र देखिनु ।

नकारात्मक परिवर्तनः
१ -अनपेक्षित र ठूलो संख्यामा मानवमात्रको अकल्पनिय क्षति हुनु

२ -संपूर्ण विश्व नै यस महामारीको चपेटामा जकडिइ अझै कति क्षति हुने हो भन्ने कुराको आंकलन गर्न कठिन हुनु

३- विश्व अर्थतन्त्र नै असन्तुलित भइ चरम आर्थिक मन्दितर्फ विश्व नै धकेलिनपर्ने बाध्यता आइलाग्नु

४- विकासको गतिमा निरन्तर अघि बढिरहेका संसारका सबै राष्ट्रहरुको विकास गति ठप्प भइ भविष्यमा थप गति लिन निकै चुनौतिको सामना गर्नुपर्ने अवस्था आउनु

५ -विश्वभरका करोडौं मानिसहरुले रोजगारी गुमाउनु

६- अन्य रोगबाट पीडित मानिसहरुको उपचारमा ठूलो चुनौति थपिनु

७- भुखमरीको कारणबाट धेरैले ज्यान गुमाउनु पर्ने जोखिम बढ्नु

८- अरबौं मानिसहरु घरमा थुनिनुपर्ने बाध्यताले गर्दा वैयक्तिक स्वतन्त्रता गुमाउन पर्नुका साथै भोक रोग र शोकमा थप डुब्नुपर्ने अवस्थाको सिर्जना हुनु

९- विश्वमा बालबालिका तथा महिलाहरु केन्द्रित घरेलुहिंसाका अपराधमा बृद्दि हुनु

१०- विश्वमा मानव अधिकार संकुचन भइ निरंकुशता बढ्न सक्ने खतरा उत्पन्न हुनु।