Sansar News
२९ चैत, काठमाण्डौं । इटाली सरकारले कोरोना संक्रमण रोकथाम तथा नियन्त्रणका लागि पुनः लकडाउन थप गरेको छ ।
इटाली सरकारले शुक्रबार (अप्रिल १०) देखि मे ३ सम्मका लागि पुनः लकडाउन लम्ब्याउने निर्णय गरेको हो ।
कोरोना भाइरसको संक्रमणका कारण गत मार्च ११ तारीखदेखि इटाली पूर्णरुपमा लकडाउन रहेको छ । जसमा प्रतिबन्धको कडाइ र जरिवानामा कुनै हेरफेर नभएको र एक ठाउँबाट अर्को ठाउँमा यात्रा गर्न नमिल्ने भएको छ भने निश्चित पसलहरु खोल्ने निर्णय भएको छ । स्टेशनरी स्टोर र पुस्तक पसलहरू , साना र भर्खरै जन्मेका बच्चाहरूको लागि आवश्यक पर्ने पसलहरु संचालन हुनेछन् ।
त्यस्तै नागरिकसँग प्रत्यक्ष सरोकार राख्ने खाना र स्वास्थ्य आपूर्ति लगायतसँग जोडिएका केही उद्योगधन्दा तथा कम्पनीहरू पनि सुचारु हुनेछन् ।
वि.सं.२०७६ चैत २९ शनिवार ०७:५० मा प्रकाशित
