हामी सबैकाे संसारन्यूज

२८ चैत, स्पेन । स्पेन सरकारले कोरोना भाइरस प्रभावितहरुका विभिन्न राहतका कार्यक्रम घोषणा गरेपनि काम गराईमा फरक रहेको नेपाली जनसम्पर्क समिति स्पेनले जानकारी बताएको छ ।

कोरोना भाइरसका कारण स्ंकटकाल घोषणा गरेपछि राहत लगायतका अन्य कुराहरु सरकारको भनाइ र व्यवाहारिक भोगाइ फरक रहेको समितिले एक विज्ञप्तिमार्फत् जानकारी दिएको छ ।

सरकारको मार्च महिनाको ERTE लगायतका सबै खाले पारो अप्रिल १० तारिख सम्म पनि केही सिमित व्यक्तिहरुले मात्र पाएको र बाँकी सबैले यहि अप्रिलमा पाउने या मे महिना लागेपछि पाउने भन्ने अन्योल रहेको बताउँदै SEPE श्रमिक संघ -संगठन या सरकारले यसबारे अझै खुलस्त नपारेको पनि समितिद्धारा जारी विज्ञप्तिमा जनाइएको छ ।

त्यसैगरी आज (१० अप्रिल) मा पत्रकार सम्मेलन गरेर सरकारले सोमबारदेखि सार्बजनिक सवारीमा मास्क बाड्ने भनेर भनिए पनि के कति अनि कसरी बाड्ने भन्ने समेत स्पष्ट नपारेको समितिले बताएको छ । ‘सबैलाई पुग्ने गरी मास्क बाड्ने या अहिले सिमित संख्यामा मात्र बाड्ने भनेर स्पस्ट नतोकिएको र विहिबार कातालुन्या सरकारले मंगलबारदेखि मास्क बाड्ने भनेर निर्णय सुनाए पनि २० अप्रिलबाट मात्र बाडिने भनेर आफ्नै निर्णयबाट सरकार पछि हटेको पनि त्यहाँका संचार माध्यमले समाचार प्रकाशन गरेका छन् ।’ संघद्धारा जारी विज्ञप्तिमा भनिएको छ ।

त्यस्तै घर भाडा, कर्जा, यो कोरोनाका कारण दिइने सहुलियत व्यवयासायिक कर्जामा सरकारको घोषणा अनुसारको न्यून व्याजदर भन्दा बैंकले लिने व्याजदर फरक पाइएको तथा सरकाले कर्जा बापतको खर्च प्रशासनिक खर्च नलाग्ने भनिए पनि बैंकहरुले लिने गरेको समेत समितिद्धारा प्रकाशित विज्ञप्तिमा जनाइएको छ ।