हामी सबैकाे संसारन्यूज

२९ चैत्र, काठमाडौँ । नोबेल कोरोना भाइरस अर्थात् (कोभिड १९) को प्रभाव विश्वका प्राय सबै देशमा परेको छ ।

चीनको हुवेईको वुहान सिटीबाट सुरु भै इटाली, स्पेन र अमेरीकालाई थला पार्दै यो विश्वका २१० देश पुगिसकेको छ । शुक्रबार मात्र यमनमा पनि कोरोना संक्रमण देखिएको हो ।

सन् २०२० अप्रिल ११ बिहान .३२ बजेसम्मको प्राप्त समाचार अनुसार संसारका १६ लाख ९९ हजार ६ सय ३१ मानिसमा कोरोना भाइरस सल्केको छ भने मृत्युको संख्या १०२,७३४ पुगेको छ । निको भएर घर फर्किएकाहरु संख्याको ३७६,३२७ छ भने उपचाररत बिरामीको संख्या १,२२०,५७० रहेको छ । जसमध्ये १,१७०,७४०को अवस्था मध्यम छ भने ४९,८३० को स्थिति गम्भिर रहेको छ ।

वल्र्डोमीटरका अनुसार अहिले सबैभन्दा बढी प्रभावित हुनेमा अहिले अमेरिका देखिन्छ ।

अमेरिकामा मात्रै प्रभावितको संख्या ५०२,८७६ पुगेको छ भने १८,७४७ को मृत्यु भएको छ । अमेरिकाको मृत्यु दर हेर्दा छिट्टै इटालीलाई पनि जित्न देखिन्छ । अमेरिकामा शुक्रबार मात्र २०५६ जनाले कोरोनाका कारण ज्यान गुमाएका छन् । अमेरिकाको मृत्युदरले बिहिबार मात्र स्पेनलाई उछिनेको थियो ।

मृत्युदरको हिसाबमा हेर्दा भने इटाली सबैभन्दा बढी प्रभावित देश बनेको छ, यद्यपी केही दिनदेखि मृत्युदर घटिरहेको छ । अहिलेसम्म १८ हजार ८९४ जनाले ज्यान गुमाएका छन् । इटालीमा प्रभावितको संख्या १ लाख ४७ हजार ५ सय ७७ रहेको छ ।

कोरोना उत्पत्ति भएको देश चीनमा प्रभावितको संख्या ८१९५३ रहेको छ । शुक्रबार ४६ नयाँ केश देखिएको छ भने ३ जनाको मृत्यु भएको छ । चीनमा मृत्यु संख्या ३३३९ पुगेको छ ।

प्रभावका हिसाबले अमेरिका, स्पेन, इटाली, फ्रान्स, जर्मनी अनि चीन क्रमशः छन् भने मृत्यु संख्याको हिसाबले इटाली पहिलो, अमेरिका दोस्रो, स्पेन तेसो, फ्रान्स चौंथो, बेलायत पाचौँ, इरान छैठौं र चीन सातौँ क्षति व्यहोर्ने देशमा छन् ।

नेपालको कोरोना भाइरस अपडेट :

नेपालमा शुक्रबारसम्म ३५२५ जनाको परीक्षण भएकोमा जम्मा संक्रमितको संख्या ९  रहेको छ । चीनको वुहान युनिभर्सिटीमा पीएचडी अध्ययनरत ३२ वर्षीय पुरुषमा नेपालमा पहिलोपटक कोरोना पोजिटिभ देखिएको थियो। ती पुरुष निको भएर घर फर्किएसकेका छन् भने ८ जना उपचाररत छन् ।

चैत्र २३ गते कोरोना संक्रमित एक व्यक्तिबाट अर्कोमा सरेपछि नेपाल कोरोना भाइरसको दोस्रो चरणमा प्रवेश गरेको छ । दुबईबाट फर्केका कैलालीका संक्रमित एक युवाबाट उनको भाउजुमा कोरोना भाइरस पोजेटिभ देखिएपछि दोस्रो चरण सुरु भएको हो । युवासँग भेट भएको १२ दिनपछि उनकी भाउजुमा संक्रमण भएको थियो ।

कोरोनाको चरण हेर्दा यसका चार चरण रहेका छन् । व्यक्तिमा सिमित संक्रमण (विदेशबाट फर्केर आएका) पहिलो चरण हो । ट्राभल हिस्ट्री भएको व्यक्तिमार्फत परिवारमा संक्रमण देखिनु दोस्रो चरण मानिन्छ । एउटा समुदायबाट अर्का समुदायमा फैलनु तेस्रो चरण हो भने महामारीको रुप लिएको अवस्था चौथो चरण हो ।

फ्रान्सबाट कतारको दोहाहुँदै चैत ४ गते नेपाल एक युवतीको चैत्र १० गतेको परीक्षणमा कोरोना संक्रमित भएको पुष्टि भएपछि भोलिपल्ट अर्थात् चैत्र ११ गतेदेखि सरकारले देशभर लकडाउन गरेको थियो । सरकारले ११ गते मंगलवार बिहान ६ बजेदेखि चैत १८ सम्म लागू हुनेगरी गरेको लकडाउन तेस्रो हप्तासम्म लम्बिएर आगामी वैशाख ३ गते सकिँदैछ । विश्वभर तथा छिमेकी देश भारतमा समेत संक्रमितको संख्या बढीरहेका कारण नेपालको लकडाउन बढ्ने सम्भावना देखिन्छ ।

यस्तो छ कोरोना भाइरसको अपडेट तथ्याङ्क :