हामी सबैकाे संसारन्यूज

३० चैत, काठमाण्डौं । ‘हामी गहुँ काट्न आएका हौं, जान दिनुपर्ये ।’

‘अहिले नेपाल प्रवेश गर्न सक्नुहुन्न ।’

‘अहिले नेपालमा लकडाउन छ, यता (नेपाल) आउन सक्नुहुन्न ।’

सीमामा तैनाथ सशस्त्र प्रहरी र नेपाल छिर्न खोज्ने नागरिकबीच यस्तो संवाद दिनहुँ हुन्छ ।

भारतका विभिन्न स्थानबाट आइपुगेकाहरु अनेक बहाना बनाएर सीमा पार गर्न खोज्छन् । सुरक्षाकर्मीहरु भने कोभिड १९ संक्रमणको जोखिमका कारण रोक्छन् । यसक्रममा कहिँलेकाँही चर्कै विवाद पनि हुन्छ । कतिपय नागरिक भने सुरक्षाकर्मीको आँखा छलेर नेपाल भित्रन्छन् । उनीहरुलाई सनीय तह र सुरक्षकर्मीले खोजेर क्वारेन्टाइनमा राख्ने गरेका छन् । कतिपय ठाउँमा नेपाल प्रवेशका लागि सिमानामा आइपुगेकाहरुलाई भारतीय क्वारेन्टाइनमा राख्ने गरिएको आइतबारको कान्तिपुर दैनिकमा समाचार छ ।

प्रदेश २ स्थित सशस्त्र प्रहरीको छिन्नामस्ता बाहिनीका प्रमुख डिआइजी राजु अर्र्यालले बाली भित्राउने, गाईभैसी हेर्न बहानामा भारतबाट नेपाल प्रवेश गर्न खोज्नेको भीड नाकामा दिनहुँजसो लाग्ने गरेको छ ।